بالی ووڈ اداکار کارتک آریان دوستانہ ٹو کے بعد شاہ رخ خان کی پروڈکشن کمپنی ریڈ چلی کے بینر نیچے بننے والی فلم ” گڈبائے فریڈی” سے بھی باہر ہو گئے ہیں۔
کرن جوہر کے فلم ’’ دوستانہ 2 ‘‘ سے علیحدگی کے بعد بھارتی میڈیا کی جانب سے یہ خبریں آرہی ہیں کہ کارتک آریان رضاکارانہ طور پر ایس آر کے کی پروڈکشن سے باہر ہوگئیں۔ ذرائع کے مطابق انہوں نے فلم کا معاوضہ بھی واپس کردیا ہے۔
انڈین میڈیا کے ذرائع کے مطابق فلم کے اسکرپٹ کے مطابق اداکار اپنی فنکارانہ صلاحیتوں کو دکھانے میں ناکام رہے تھے۔ ذرائع کا یہ بھی کہنا ہے کہ اداکار کارتک آریان کو مدمقابل ہیروئن پر اعتراض تھا ، اداکار کارتک آریان کا کہنا تھا کہ کترینہ کیف عمر رسیدہ دکھائی دے رہی تھیں۔
تاہم ریڈ چلی پروڈکشن کمپنی کی جانب سے اب تک اس خبر کی تردید نہیں کی اور نہ ان کی جانب سے کوئی بیان جاری کیا گیا ہے ۔ یہ پہلا موقع نہیں ہے کہ اداکار نے اپنی سائن کردہ فلم کو چھوڑا ہو۔
یہ بھی پڑھیں : لباس میں کوئی خرابی نہیں ہوتی بلکہ دیکھنے والے کی نگاہ کا فتور ہے، عشنا شاہ