گوگل نیوز پر ہمیں فالو کریںمعاونِ خصوصی اطلاعات و نشریات فردوس عاشق اعوان نے کہا ہے کہ وزیر اعظم کا دورۂ چین باہمی تعلقات کے استحکام کا باعث ہے جبکہ سمندروں سے گہری پاک چین دوستی کی اقوامِ عالم میں بھرپور گونج سنائی دیتی ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات ڈاکٹر فردوس عاشق اعوان نے کہا کہ وزیر اعظم عمران خان کا دورۂ چین دونوں ممالک کے مابین گہری اور لازوال دوستی کو مزید مضبوط کرے گا جبکہ پاک چین دوستی ہمالیہ سے بلند، سمندروں سے گہری اور شہد سے میٹھی اور باہمی محبتوں کی آئینہ دار ہے۔
یہ بھی پڑھیں: پرویز مشرف غداری کیس: جسٹس وقار احمد سیٹھ خصوصی عدالت کے نئے سربراہ مقرر
وزیراعظم عمران خان کا دورہ چین دونوں ممالک کے مابین گہری اور لازوال دوستی کے بندھن کو مزید مضبوط کرے گا۔ہمالیہ سے بلند، سمندروں سے گہری اور شہد سے میٹھی دوستی محبتوں کی آئینہ دار ہے جس کی اقوام عالم میں بھرپور گونج سنائی دیتی ہے۔
— Firdous Ashiq Awan (@Dr_FirdousPTI) October 8, 2019
فردوس عاشق اعوان نے کہا کہ وزیر اعظم کا دور معیشت اور سرمایہ کاری کے شعبوں میں تعاون کے فروغ کے ساتھ ساتھ اسٹرٹیجک اور علاقائی تعلقات کو مزید مستحکم کرے گا۔
یہ دورہ معیشت اور سرمایہ کاری کے شعبوں میں تعاون کے فروغ سمیت سٹریٹیجک تعلقات کو مزید مستحکم کرے گا۔
— Firdous Ashiq Awan (@Dr_FirdousPTI) October 8, 2019
یاد رہے کہ اس سے قبل وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان کہہ چکی ہیں کہ افغان طالبان وفد کی آمد عالمی امن کے لیے پاکستان کے اہم کردار کا واضح ثبوت ہے جبکہ پولیٹیکل کمیشن وفد کے ساتھ مذاکرات مفاہمتی عمل کے لیے نیک شگون ہیں۔
ڈاکٹر فردوس عاشق اعوان نے کہا کہ گزشتہ روز دفتر خارجہ میں افغان طالبان کی مذاکرات کے لیے آمد امن عمل کے لیے اہم پیشرفت ہے جبکہ پاکستان نے ہمیشہ علاقائی اور عالمی امن کے لیے مثبت ماحول پیدا کرنے میں گراں قدر کردار ادا کیا ہے۔
مزید پڑھیں: طالبان وفد کی آمد عالمی امن کے لیے پاکستان کے اہم کردار کا ثبوت ہے۔فردوس عاشق اعوان
