گوگل نیوز پر ہمیں فالو کریںکراچی: ترجمان سندھ حکومت بیرسٹر مرتضیٰ وہاب نے کہا ہے کہ صوبہ سندھ میں گزشتہ 24 گھنٹوں کے دوران 1 ہزار 744 مزید افراد کورونا وائرس کا شکار ہو گئے ہیں۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ گزشتہ 24 گھنٹوں کے دوران 8 ہزار 119 افراد کے ٹیسٹ کیے گئے جن میں سے 1 ہزار 744 افراد کا نتیجہ مثبت آیا۔
پیغام میں ترجمان سندھ حکومت بیرسٹر مرتضیٰ وہاب نے کہا کہ جو لوگ کاروبار اور شاپنگ مالز کھولنے کے حق میں بیانات دے رہے تھے، امید کرتا ہوں کہ آج وہ بہت خوش ہوں گے۔
ترجمان سندھ حکومت مرتضیٰ وہاب نے کہا کہ آج لوگوں کے پاس دولت اور پیسہ ہے مگر ہسپتالوں میں کورونا وائرس کے مریضوں کو رکھنے کے لیے ہمارے پاس آئی سی یو اور بستر کم پڑ گئے ہیں۔ اللہ تعالیٰ ہی رحم فرمائے۔
Out of 8119 people tested in #Sindh over the last 24 hours, 1744 have tested positive so far. People who were more interested in opening up of businesses or shopping should be happy now that people may have money but not enough ICU beds. Ya Allah Rehem
— Murtaza Wahab Siddiqui (@murtazawahab1) June 7, 2020
