گوگل نیوز پر ہمیں فالو کریںامریکی فوج نے دعویٰ کیا ہے کہ ایران کے خلاف حملوں کی تازہ لہر مکمل کرلی گئی ہے، جس کے دوران ایرانی ساحلی دفاعی نظام، میزائل ذخیرہ گاہوں اور لانچنگ تنصیبات کو نشانہ بنایا گیا۔
امریکی سینٹرل کمانڈ (سینٹ کام) کے مطابق یہ کارروائیاں واشنگٹن کے مقامی وقت کے مطابق صبح 7 بج کر 30 منٹ پر شروع ہوئیں، جبکہ تہران کے وقت کے مطابق سہ پہر 3 بجے حملے کیے گئے۔ امریکی حکام کے مطابق یہ آپریشن تقریباً 90 منٹ تک جاری رہا۔
سینٹ کام نے سماجی رابطے کی ویب سائٹ ایکس پر جاری بیان میں کہا کہ گریٹر تنب جزیرے پر موجود ایرانی تنصیبات کو درست نشانے والے جدید ہتھیاروں کے ذریعے نشانہ بنایا گیا۔ امریکی فوج کا کہنا ہے کہ ان کارروائیوں کا مقصد آبنائے ہرمز میں تجارتی بحری جہازوں کو نشانہ بنانے کی ایرانی صلاحیت کو محدود کرنا ہے۔
