گوگل نیوز پر ہمیں فالو کریںاسلام آباد:معاون خصوصی اطلاعات فردوس عاشق اعوان نے کہا ہے کہ عوام دوست حکومت نے قوم کو ریلیف دینے کے لیے عملی اقدام کیا ہے اور اب عالمی منڈی میں تیل کی قیمتوں میں کمی کا فائدہ حکومت کی بجائے عوام کو منتقل کیا جائےگا۔
سماجی رابطے کی ویب سائٹ ٹوئٹر پرگزشتہ روز اپنے پیغام میں فردوس عاشق اعوان نے کہا کہ وزیر اعظم عمران خان کی قیادت میں نئے پاکستان کا دوسرا سال قومی ترقی، عوامی فلاح و بہبود اور ملک کے لیے نئی خوشخبریاں لے کر آئے گا۔
یہ بھی پڑھیں: پاکستان میں غیر ملکی سرمایہ کاروں کے لیے سازگار ماحول اور بہترین مواقع ہیں۔حفیظ شیخ
معاون خصوصی اطلاعات نے حکومتی نوٹیفیکیشن کی تصویر بھی جاری کی جس میں بتایا گیا کہ پیٹرولیم مصنوعات کی قیمتوں میں خاطر خواہ کمی کی گئی ہے۔ پٹرول کی قیمت میں 4.59روپے، ہائی اسپیڈ ڈیزل کی قیمت میں 7.67روپے،مٹی کے تیل کی قیمت میں 4.27روپے جبکہ لائٹ ڈیزل آئل کی قیمت میں 5.63روپے فی لٹر کمی کی گئی ہے۔
نوٹیفیکیشن کے مطابق پیٹرول کی قیمت 117.83روپے سے کم ہو کر 113.24روپے فی لٹر، ہائی اسپیڈ ڈیزل کی قیمت 132.47روپے سے کم ہو کر 124.80روپے ، مٹی کے تیل کی قیمت 103.84روپے سے کم ہو کر 99.57روپے جبکہ لائٹ ڈیزل کی قیمت 97.52روپے سے کم ہو کر 91.89روپے فی لٹر ہو گئی ہے۔
عوام دوست حکومت کا عوام کو ریلیف دینے کیلئے عملی اقدام۔عالمی منڈی میں تیل کی قیمتوں میں کمی کا فائدہ حکومت خود لینے کی بجائے براہ راست عوام کو منتقل کرےگی وزیراعظم عمران خان کی قیادت میں نئے پاکستان کا دوسرا سال قومی ترقی عوامی فلاح وبہبود اور ملک کیلئے نئی خوشخبریاں لیکر آئے گا۔ pic.twitter.com/MbDPb6IQZk
— Firdous Ashiq Awan (@Dr_FirdousPTI) August 30, 2019
واضح رہے کہ اس سے قبل پٹرولیم مصنوعات کی قیمتوں میں کمی کی سمری وفاقی حکومت کے پٹرولیم ڈویژن کو موصول ہو گئی جس کے تحت یکم ستمبر سے قیمتوں میں واضح کمی کا اعلان متوقع ہے۔
پیٹرولیم ڈویژن کو موصولہ سمری کے مطابق ہائی اسپیڈ ڈیزل کی قیمت میں 7 روپے 67 پیسے فی لٹر کمی کی تجویز ہے جبکہ لائٹ ڈیزل کی قیمت میں 5 روپے 63 پیسے فی لٹر کمی کی سفارش کی گئی ہے۔
مزید پڑھیں: پٹرولیم مصنوعات کی قیمتوں میں یکم ستمبر سے واضح کمی کا امکان
