گوگل نیوز پر ہمیں فالو کریںامریکی وزیر خارجہ مارکو روبیو نے چین سے درخواست کی ہے کہ وہ ایران سے بات کرے تاکہ وہ آبنائے ہرمز کو بند کرنے سے باز رہے۔
روبیو نے کہا کہ اگر ایران نے ایسا کیا تو یہ “معاشی خودکشی” کے مترادف ہوگا، کیونکہ اس آبی گزرگاہ سے دنیا کے تیل اور گیس کی ترسیل کا ایک بڑا حصہ گزرتا ہے۔
انہوں نے چین پر زور دیا کہ وہ ایران پر دباؤ ڈالے تاکہ عالمی معیشت کو مزید نقصان نہ پہنچے۔ امریکی وزیر خارجہ نے کہا کہ امریکہ کے پاس ایران کے ردعمل کے خلاف کئی اختیارات موجود ہیں ۔
آبنائے ہرمز بندش سے گلوبل تیل کی مارکیٹ میں تیل کی قیمتوں میں اضافہ متوقع ہے،برنٹ کروڈ 10 فیصد سے زیادہ بڑھ گیا۔
چین، جس کے لیے یہ گزرگاہ تیل کے لیے بہت اہم ہے، کو اس مسئلے میں فعال کردار ادا کرنے کی ضرورت پڑ سکتی ہے ۔
دوسری جانب ایران نے جوہری سہولیات پر امریکی حملوں کے ردعمل میں موثر جوابی کاروائی کا اعلان کیا ہے، جس میں امریکہ کی فوجی تنصیبات کو نشانہ بنانے کا امکان ہے ۔
