عمران خان کے حکم پرمراد سعید قومی اسمبلی کی نشست سے مستعفی

اسلام آباد: چیئرمین پاکستان تحریک و سابق وزیراعظم عمران خان کے حکم پر سابق وفاقی وزیرمراد سعید نے قومی اسمبلی کی نشست سے استعفیٰ دیدیا۔

پارلیمنٹ ہاؤس میں پاکستان تحریک انصاف کے پارلیمانی پارٹی کے اجلاس میں قومی اسمبلی کی نشستوں سے مستعفی ہونے کے حوالے سے پارٹی ارکان میں اختلافات کی اطلاعات سامنے آئیں۔

مزید پڑھیں:زرتاج گل عمران خان کے کہنے پر جان دینے کیلئے بھی تیار

اجلاس کے دوران چیئرمین عمران خان نے کہا کہ اگر کوئی استعفیٰ نہیں دینا چاہتا تو میں استعفیٰ دونگا جبکہ اجلاس کے دوران سابق وفاقی وزیرمراد سعید نے قومی اسمبلی کی نشست سے استعفیٰ دیدیا۔

سابق وزیراطلاعات فواد چوہدری کا کہنا ہے کہ پاکستان تحریک انصاف کی پارلیمانی کمیٹی نے قومی اسمبلی سے مستعفی ہونے کا فیصلہ کیا ہے۔

جن کی حرصِ زر، ہوس اقتدار نے میری قوم کو “بھکاری” بنایا۔ جن کی غلامانہ زہنیت نے میرے گھروں کو مقتل گاہ، میرے لوگوں کو پناہگزین میری ماں کو زندہ درگور کردیا میں ان کو اس ملک کا سربراہ مانوں؟ absolutely not یہ فیصلہ فقط میرا نہیں میرے ملک کی ۲۲ کروڑ عوام کا بھی ہے pic.twitter.com/Mqln6tfVGe

— Murad Saeed (@MuradSaeedPTI) April 11, 2022

مراد سعید نے اپنے ٹوئٹر پیغام میں کہا ہے کہ جن کی حرصِ زر، ہوس اقتدار نے میری قوم کو بھکاری بنایا۔ جن کی غلامانہ زہنیت نے میرے گھروں کو مقتل گاہ، میرے لوگوں کو پناہ گزین میری ماں کو زندہ درگور کردیا میں ان کو اس ملک کا سربراہ مانوں؟ absolutely not یہ فیصلہ فقط میرا نہیں میرے ملک کی ۲۲ کروڑ عوام کا بھی ہے۔