وزیراعظم عمران خان سے وزیر اعلیٰ پنجاب کی ملاقات، پنجاب کی صورتحال پر تبادلہ خیال

اسلام آباد: وزیراعظم عمران خان سے وزیراعلیٰ پنجاب نے ملاقات کی جس میں صوبہ پنجاب کی صورتحال پر تبادلہ خیال کیا گیا۔

تفصیلات کے مطابق وزیراعظم عمران خان سے وزیراعلیٰ پنجاب عثمان بزدار نے ملاقات کی جس میں صوبہ پنجاب کی انتظامی اور امن و امان کی مجموعی صورتحال سے متعلق امور پر تبادلہ خیال کیا گیا۔

ملاقات میں وزیر اعظم کو صوبے کے اندر جاری مختلف ترقیاتی منصوبوں کی پیشرفت پر بھی تفصیلی بریفنگ دی گئی۔

وزیراعظم نے صوبے میں عام آدمی کو فوری اور موثر خدمات کی فراہمی کو یقینی بنانے کے لیے بھرپور اقدامات کرنے کی ہدایت کی۔

یہ بھی پڑھیں:

بلدیاتی انتخابات پر بریفنگ، وزیر اعظم عمران خان دورے کیلئے لاہور پہنچ گئے

انہوں نے عوام کے جان و مال اور مفادات کے تحفظ کے لیے شرپسندوں، ذخیرہ اندوزوں، اور قبضہ مافیا کے خلاف موثر اقدامات کرنے  کی بھی ہدایت کی۔

خیال رہے کہ ملاقات میں چیف سیکرٹری پنجاب کامران علی افضل اور آئی جی پنجاب راؤ سردار علی خان نے بھی شرکت کی۔