بھارتی ریاست گجرات کے 157 اسکولز کے سارے بچے فیل، کانگریس کی تنقید

ممبئی: بھارتی ریاست گجرات کے 157 اسکولز کے سارے بچے فیل ہو گئے، ایک بھی بچہ امتحان پاس نہ کرسکا، جس پر کانگریس کا تنقید کرتے ہوئے کہنا ہے کہ یہ وہ ریاست ہے جسے نریندر مودی ماڈل بنا کر پیش کرتے ہیں۔

سماجی رابطے کی ویب سائٹ ٹوئٹر پر اپنے ویڈیو پیغام میں انڈین نیشنل کانگریس کی ترجمان روشنی کشل جیسوال نے کہا کہ آئیے آپ کو گجرات ماڈل کی سچائی بتاتے ہیں۔ گجرات میں ایسے 157 اسکولز ہیں جہاں دسویں بورڈ امتحان دینے والے طلبہ میں سے ایک بھی طالبِ علم پاس نہ ہوسکا۔

یہ بھی پڑھیں:

شہباز شریف نے رانا ثناء اللہ کو وزیرِ داخلہ کیوں بنایا؟ زلمے خلیل زاد

गुजरात मॉडल : ‘157 ऐसे स्कूल हैं जहां 10वीं बोर्ड परीक्षा देने वाले छात्रों में से कोई भी पास नहीं हुआ, रिजल्ट 0% रहा’ pic.twitter.com/TNAJlOmVrY

— Roshni kushal jaiswal (@roshnikushal) May 28, 2023

ویڈیو پیغام میں کانگریس کی ترجمان روشنی جیسوال نے کہا کہ گجرات کے 157 اسکولز کا رزلٹ صفر فیصد رہا ہے۔ یہ گجرات کی کڑوی سچائی ہے جو بھارت کے کسی بھی نیوز چینل پر دکھائی نہیں جائے گی۔

ترجمانِ کانگریس روشنی جیسوال نے کہا کہ بھارتی ریاست گجرات کو ماڈل کہا جاتا ہے۔ دیگر ریاستوں کو گجرات سے سیکھنے کا کہا جاتا ہے، تو کیا بھارت کے گودی میڈیا کے بقول گجرات سے یہ سیکھا جائے کہ 157 اسکولز میں ایک بھی بچہ پاس نہیں ہوا؟