گوگل نیوز پر ہمیں فالو کریںآئی سی سی ورلڈکپ کے 33 ویں میچ میں بھارت نے سری لنکا کی بیٹنگ لائن کے پرخچے اُڑا دیئے، سری لنکا کی پوری ٹیم کو صرف 55 رنز پر آؤٹ کردیا۔
بھارت نے سری لنکا کو آئی سی سی ورلڈکپ کے 33 ویں میچ میں یک طرفہ مقابلے کے بعد 302 رنز سے شکست دے دی۔
ممبئی کے وانکھڈے اسٹیڈیم میں کھیلے گئے میگا ایونٹ کے 33 ویں میچ میں سری لنکا کی بیٹنگ لائن فیل ہوگئی اور 20 ویں اوور میں 55 رنز پرپوری ٹیم آؤٹ ہوگئی۔
سری لنکا کی جانب سے کسون رجیتھا 14 اور اینجلو میتھیوز 12 رنز بنا کر آؤٹ ہوئے۔ مہیش ٹھیکشانا 12 رنز بنا کر ناقابلِ شکست پویلین لوٹے۔
بھارت کی جانب سے محمد شامی نے 5، محمد سراج نے 3، جسپریت بمراہ نے 2 جبکہ روندرا جڈیجا نے 1 کھلاڑی کو پویلین کی راہ دکھائی۔
واضح رہے کہ سری لنکا کے کپتان کوشل مینڈس نے ٹاس جیت کر پہلے فیلڈنگ کرنے کا فیصلہ کیا تھا، اُن کا کہنا تھا کہ کوشش کریں گے میچ میں کامیابی حاصل کریں۔
