شہباز شریف کو مبارکباد دینے کا کوئی سیاسی یا ذاتی مفاد نہیں تھا، شاہد آفریدی نے اپنی صفائی پیش کردی

قومی کرکٹ ٹیم کے سابق کھلاڑی بوم بوم آفریدی نے اپنے خلاف جاری سوشل میڈیا مہم پر صفائی پیش کرتے ہوئے کہا ہے کہ شہباز شریف کو مبارکباد دینے کا کوئی سیاسی یا ذاتی مفاد نہیں تھا۔

سماجی رابطے کی ویب سائٹ ٹویٹر پر شاہد آفریدی کی ایک ویڈیو وائرل ہورہی ہے جس میں انہوں نے کہا ہے کہ کچھ دنوں سے سوشل میڈیا پر مجھ پرتنقید ہورہی ہے، شہباز شریف کو وزیراعظم بننے پرمبارک باد دی تو پتا تھا کہ تنقید ہوگی، مبارک باد دینے کا ہرگز کوئی سیاسی یا ذاتی مفاد نہیں تھا۔

Shahid Afridi said everyone has a right to share their opinions and he asked that spread positivity and stop spreading hate and negativity.#WeStandWithShahidAfridi @SAfridiOfficial pic.twitter.com/1jcr3dQDvY

— Maham | #WeStandWithShahidAfridi (@dheetafridian__) May 6, 2022

اُن کا کہنا تھا کہ کوئی بھی حکمران ہو ہمیں اسے عزت دینی چاہیے کیونکہ وہ دنیا میں ملک کی نمائندگی کررہا ہوتا ہے،عمران خان کو ایک لیڈر کے طور پر دیکھا ہے لیکن ان کی پالیسی یا سوچ سے اختلاف کا حق حاصل ہے، انہوں نے کہا کہ عمران خان کے بارے میں جو باتیں کیں وہ عام پاکستانی کی حیثیت سے کیں۔

شاہد آفریدی نے مزید کہا کہ آئندہ بھی اپنے خیالات کا اظہارکرتا رہوں گا، کبھی بھی  اختلاف کو نفرت میں نہیں بدلنا چاہیے کیونکہ اختلاف کو برداشت کرنا مہذب معاشرے کی نشانی ہے۔

خیال رہے کہ شاہد آفریدی نے گزشتہ دنوں عمران خان کے دور حکومت کی غلطیوں پر بات کی تھی جس کے بعد سے اُن کے خلاف سوشل میڈیا پرمہم چلائی جارہی ہے بعدازاں دوسری جانب شاہد آفریدی کے حق میں ہیش ٹیگ بھی سوشل میڈیا پرٹرینڈ کررہے ہیں۔