پاکستانی کرکٹر شعیب ملک نے بھارت کے نوجوان اداکار سشانت سنگھ راجپوت کے انتقال پر افسوس کا اظہار کرتے ہوئے کہا ہے کہ زندگی ایک طویل سفر کانام ہے جبکہ سشانت سنگھ جلدی چلے گئے۔
سماجی رابطے کی ویب سائٹ ٹوئٹر پر اپنے پیغام میں کرکٹر شعیب ملک نے کہا کہ مجھے سشانت سنگھ راجپوت کی خودکشی کی خبر سن کر بے حد افسوس ہوا جبکہ زندگی ایک خوبصورت اور طویل اننگز کا نام ہے۔
کرکٹر شعیب ملک نے کہا کہ 34 سال بے حد کم زندگی تھی،سشانت سنگھ، آپ کو اتنی جلدی دُنیا سے رخصت نہیں ہونا چاہئے تھا۔آپ کی روح کو سکون نصیب ہو، آپ بہت جلدی چلے گئے۔
– Shocked to hear about Shushant Singh commiting suicide, life is a long beautiful inning, 34 was not the age to let go, may your soul rest in peace #ShushantSinghRajput (1986-2020) gone too soon.
— Shoaib Malik 🇵🇰 (@realshoaibmalik) June 14, 2020
یاد رہے کہ اس سے قبل ممبئی میں بھارتی فلموں کے اُبھرتے ہوئے نوجوان اداکار سشانت سنگھ راجپوت نے خودکشی کر لی جبکہ 34 سالہ سشانت سنگھ راجپوت نے اپنے فلمی کیرئیر کا آغاز کائی پوچے نامی ایوارڈ یافتہ فلم سے کیا۔
نوجوان اداکار سشانت سنگھ راجپوت کو آخری بار فلم چھچھورے میں اداکاری کرتے ہوئے دیکھا گیا۔ انہیں ممبئی کے علاقے بیندرا میں اپنے گھر میں صبح کے وقت پھانسی کے پھندے سے جھولتا ہوا پایا گیا۔
مزید پڑھیں: ممبئی میں بھارتی اداکار سشانت سنگھ راجپوت نے خودکشی کر لی