گوگل نیوز پر ہمیں فالو کریںامریکی ریاست میسوری میں اسکائی ڈائیونگ کیلئے استعمال ہونے والا ایک چھوٹا طیارہ حادثے کا شکار ہوگیا، جس کے نتیجے میں اس پر سوار 11 اسکائی ڈائیورز اور پائلٹ سمیت مجموعی طور پر 12 افراد جان کی بازی ہار گئے۔
سرکاری حکام کے مطابق حادثے کا شکار طیارے نے اتوار کی صبح مقامی وقت کے مطابق تقریباً 11 بج کر 20 منٹ پر اڑان بھری۔ ترجمان بیٹس کاؤنٹی ایمرجنسی مینجمنٹ کا کہنا ہے کہ طیارہ مطلوبہ بلندی تک پہنچنے میں کامیاب نہ ہوسکا، جس کے بعد اس نے اچانک بائیں سمت ایک تیز موڑ لیا۔
میڈیا رپورٹس کے مطابق موڑ لینے کے بعد طیارہ بٹلر میموریل ایئرپورٹ سے تقریباً 200 گز کے فاصلے پر زمین سے ٹکرا کر تباہ ہوگیا۔مقامی شیرف چیڈ اینڈرسن نے میڈیا بریفنگ کے دوران بتایا کہ حکام اس واقعے کو بڑے پیمانے پر جانی نقصان کا باعث بننے والے حادثے کے طور پر دیکھ رہے ہیں۔
NEW: Eleven skydivers and a pilot are dead after their plane crashes in Butler, Missouri.
According to a spokesperson with Bates County Emergency Management, just before 11:30 a.m., a private plane leaving the Butler Memorial Airport turned around for an unknown reason before… pic.twitter.com/qlUxhfkfRN
— Breaking Aviation News & Videos (@aviationbrk) June 14, 2026
انہوں نے میڈیا کو بتایا کہ حادثے کا شکار ہونے والی پرواز کسی تجارتی ایئرلائن کا حصہ نہیں تھی بلکہ یہ مقامی ہوائی اڈے سے اڑان بھرنے والا ایک نجی طیارہ تھا۔فیڈرل ایوی ایشن ایڈمنسٹریشن کے مطابق طیارہ پیسیفک ایرو اسپیس پی 750 ماڈل کا تھا، جو روانگی کے فوراً بعد گر کر تباہ ہوگیا۔
تشویشناک طور پر حادثے کے وقت اس طیارے کو فضائی ٹریفک کنٹرول کی مسلسل رہنمائی حاصل نہیں تھی کیونکہ اس فضائی حدود میں ایسی نگرانی ہر پرواز کیلئے لازمی نہیں ہوتی۔شیرف چیڈ اینڈرسن کے مطابق جاں بحق ہونے والوں کے بعض اہلِ خانہ نے یہ المناک حادثہ اپنی آنکھوں کے سامنے پیش آتے دیکھا، واقعے کی مزید تفتیش جاری ہے۔
