گوگل نیوز پر ہمیں فالو کریںقومی ٹیم کے سابق کپتان شاہد آفریدی نے سابق وزیراعظم پاکستان عمران خان کو صبر کرنے کا مشورہ دیدیا۔
سماجی رابطے کی ویب سائٹ ٹوئٹر پر جاری پیغام میں سابق کھلاڑی نے کہا کہ جب وقت رخصت آجائے تو چاہے حق پر ہوں یا غمزدہ؛ رخصت باوقار طریقے سے قبول کرنی چاہیے، الزامات، سازشیں، حتی کہ شکست بھی اقتدار کے کھیل کا حصہ ہے۔
جب وقت رخصت آ جائے تو چاہے حق پر ہوں یا غمزدہ؛ رخصت باوقار طریقے سے قبول کرنی چاہیے۔ الزامات، سازشیں، حتی کہ شکست بھی اقتدار کے کھیل کا حصہ ہے۔ تاریخ کے صفحات میں بالآخر بات اخلاقی معیار، جمہوریت اور آئین کی بالادستی پر آتی ہے۔
اسی حسن پر میزان لگتا ہے اسی سے کردار امر ہوتے ہیں۔ https://t.co/1VOOpPvYZ0— Shahid Afridi (@SAfridiOfficial) April 11, 2022
شاہد آفریدی نے لکھا کہ تاریخ کے صفحات میں بالآخر بات اخلاقی معیار، جمہوریت اور آئین کی بالادستی پر آتی ہے۔
انہوں نے لکھا کہ اسی حسن پر میزان لگتا ہے، اسی سے کردار امر ہوتے ہیں۔
یہ بھی پڑھیں:خان ترے جانے پر آسمان بھی رو پڑا، غریدہ فاروقی کی ٹوئٹ
مزید برآں شاہد آفریدی نے ایک اور ٹوئٹر پیغام میں شہباز شریف کو وزیراعظم پاکستان بننے کی مبارکباد دیتے ہوئے کہا کہ شہباز شریف صاحب کو پاکستان کا 23 واں وزیر اعظم منتخب ہونے پر مبارکباد پیش کرتا ہوں۔
شہباز شریف صاحب کو پاکستان کا 23واں وزیر اعظم منتخب ہونے پر مبارکباد پیش کرتا ہوں اور اُمید کرتا ہوں کہ وہ اپنی بہترین انتظامی صلاحیتوں کو بروکار لاتے ہوئے پاکستان کو موجودہ معاشی اور سیاسی بحرانوں سے نکالنے میں کامیاب ہوں گے ۔ #PakistanZindabad 🇵🇰 @CMShehbaz
— Shahid Afridi (@SAfridiOfficial) April 11, 2022
