گوگل نیوز پر ہمیں فالو کریںممبئی: بالی ووڈ اسٹار رنبیر کپور اور بالی ووڈ کے معروف پروڈیوسر مہیش بھٹ کی بیٹی عالیہ بھٹ شادی کے بندھن میں بندھ گئے۔
شادی کی تقریب جمعرات کو ممبئی کے پالی ہل میں واقع رنبیر کے گھر واستو میں منعقد ہوئی۔ شاندار تقریب میں ان کے خاندان کے افراد اور قریبی دوستوں نے شرکت کی۔
شادی میں جن مشہور شخصیات کو دیکھا گیا ان میں رنبیر کی والدہ نیتو کپور، بہن ردھیما کپور، کرن جوہر، آیان مکھرجی، منیش ملہوترا، مہیش بھٹ، پوجا بھٹ، شاہین بھٹ، کرشمہ کپور اور کرینہ کپور خان شامل ہیں۔
شادی کی خبریں میڈیا میں آنے کے بعد شادی کی تاریخ اور مقام کے بارے میں کافی قیاس آرائیاں کی گئیں کہ رنبیر کپور اور عالیہ بھٹ رواں ہفتے شادی کے بندھن میں بندھ جائیں گے۔ آخر کار، رنبیر کی والدہ نیتو کپور اور بہن ردھیما کپور ساہنی نے تصدیق کی کہ یہ جوڑا 14 اپریل کو شادی کے بندھن میں بندھ جائے گا۔
رنبیر اور عالیہ نے 2017 میں ڈیٹنگ شروع کی۔ دونوں نے آیان مکھرجی کے فینٹسی ڈرامہ برہمسترا کی شوٹنگ کے دوران ایک مضبوط رشتہ قائم کیا۔ جوڑے نے آخر کار 2018 میں اپنے تعلقات کے بارے میں افواہوں کی تصدیق کی، جب وہ سونم کپور اور آنند آہوجا کی شادی کے استقبالیہ میں ایک ساتھ نظر آئے۔
عالیہ بھٹ اور رنبیر کپور دونوں ایک دوسرے کے بارے میں متعدد مواقعوں پر بات کر چکے ہیں۔ ایک حالیہ انٹرویو میں عالیہ نے رنبیر کے لیے اپنی محبت کا اظہار کرتے ہوئے کہا، ”یقیناً، میں ایک رشتے میں ہوں اور میں بہت خوش ہوں اور رنبیر کے ساتھ گہری محبت میں ہوں اور میں اس رشتے پر یقین رکھتی ہوں۔
اُن کا کہنا تھا کہ وہ ایسا شخص ہے جس سے میں دل کی گہرائیوں سے پیار کرتی ہوں اور اسے دیکھتی ہوں اور اس کے ساتھ بہت راحت محسوس کرتی ہوں۔
