گوگل نیوز پر ہمیں فالو کریںپشاور کے علاقے ارمڑ میں ہونے والے دھماکے کے نتیجے میں پشتو زبان کے ممتاز اسکالر اور متنازع عالم دین مفتی منیر شاکر سمیت چار افراد زخمی ہو گئے۔
زخمیوں کو فوری طور پر اسپتال منتقل کر دیا گیا، جہاں معروف اسکالر مفتی منیر شاکر کے بائیں پاؤں پر زخم آنے کی اطلاعات ہیں۔
پولیس کے مطابق دھماکے میں زخمی ہونے والوں میں خوشحال، عابد اور سید نبی بھی شامل ہیں۔ واقعے کے بعد تھانہ ارمڑ کی پولیس جائے وقوع پر پہنچ گئی، جبکہ بم ڈسپوزل اسکواڈ (بی ڈی یو) اور کاؤنٹر ٹیررازم ڈیپارٹمنٹ (سی ٹی ڈی) کے افسران بھی موقع پر پہنچ گئے۔
پولیس حکام کا کہنا ہے کہ دھماکے کی نوعیت کا تعین کرنے کے لیے شواہد اکٹھے کیے جا رہے ہیں، جبکہ مزید تحقیقات جاری ہیں۔
