گوگل نیوز پر ہمیں فالو کریںاسلام آباد: وزیرِ اعظم عمران خان پاکستان تحریکِ انصاف کے کارکن اور نامور وکیل شاہد نسیم گوندل کے انتقال پر افسردہ ہو گئے ہیں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ میں شاہد گوندل کی رحلت پر نہایت افسردہ ہوں کیونکہ وہ ہمارے ساتھ دینے والے وفا شعار ترین کارکنان میں سے ایک تھے۔
وزیرِ اعظم عمران خان نے کہا کہ شاہد نسیم گوندل سیاسی مافیاز کے خلاف جدوجہد میں ہمارے شانہ بشانہ رہے۔ میری دُعائیں اور ہمدردیاں شاہد نسیم گوندل کے اہلِ خانہ کے ساتھ ہیں۔
شاہد گوندل کی رحلت پر نہایت افسردہ ہوں۔ اناللہ واناالیہ راجعون۔ وہ ہمارے وفاشعار ترین کارکنان میں سے ایک تھا جو سیاسی مافیاز کیخلاف جدوجہد میں ہمارے شانہ بشانہ رہا۔ میری دعائیں اور ہمدردیاں انکے اہلِ خانہ کے ساتھ ہیں۔
— Imran Khan (@ImranKhanPTI) January 31, 2021
شاہد نسیم گوندل کے انتقال پر وزیرِ خارجہ شاہ محمود قریشی نے بھی افسوس کا اظہار کیا ہے۔ وزیرِ خارجہ شاہ محمود قریشی نے کہا کہ شاہد گوندل ایک بے غرض اور وفا شعار پی ٹی آئی کارکن تھے۔
شاہ محمود قریشی نے کہا کہ شاہد گوندل نے مشکل اوقات میں پی ٹی آئی کا ساتھ دیا۔ ان کی پارٹی کیلئے خدمات اور یادیں ہمیشہ ہمارے ساتھ رہیں گی۔ وزیرِ خارجہ نے شاہد گوندل کیلئے جنت اور اہلِ خانہ کیلئے صبرِ عظیم کی دُعا بھی کی۔
Greatly saddened by the demise of Shahid Gondal. A selfless committed PTI worker, who stood by party in challenging times. His contribution & memory will remain with us forever. May Allah bless him with Jannat & give sabr to his family.
— Shah Mahmood Qureshi (@SMQureshiPTI) January 31, 2021
شاہ محمود قریشی نے کہا کہ شاہد گوندل نے مشکل اوقات میں پی ٹی آئی کا ساتھ دیا۔ ان کی پارٹی کیلئے خدمات اور یادیں ہمیشہ ہمارے ساتھ رہیں گی۔ وزیرِ خارجہ نے شاہد گوندل کیلئے جنت اور اہلِ خانہ کیلئے صبرِ عظیم کی دُعا بھی کی۔
معاونِ خصوصی ڈاکٹر شہباز گِل کے مطابق وزیرِ اعظم عمران خان نے شاہد گوندل مرحوم سے ہسپتال میں متعدد مرتبہ بات چیت کی۔ وزیرِ اعظم نے انہیں سی ایم ایچ میں منتقل بھی کروایا اور حکام کو تاکید کی کہ ان سے رابطے میں رہیں۔
ڈاکٹر شہباز گِل نے بھی شاہد نسیم گوندل ایڈووکیٹ کے انتقال پر افسوس کا اظہار کرتے ہوئے دعا کی کہ اللہ تعالیٰ مرحوم کے درجات بلند کرے اور لواحقین کو صبرِ جمیل عطا فرمائے۔ شاہد گوندل نے پارٹی کیلئے لاتعداد قربانیاں دی تھیں۔
وزیراعظم عمران خان کی شاہد گوندل مرحوم سے ہسپتال میں متعدد بار بات ہوئی۔ وزیراعظم نے انہیں CMH بھی move کروایا اور ہمیں بھی تاکید کی کہ ان سے رابطے میں رہیں۔ شاہد گوندل کی پارٹی کے لئیے لاتعداد قربانیاں تھیں۔ اللہ ان کی مغفرت کرے۔ https://t.co/OEEnPB1TQD
— Dr. Shahbaz GiLL (@SHABAZGIL) January 30, 2021
یہ بھی پڑھیں: میں نہ چاہوں تو عمران خان کی حکومت ایک دن بھی قائم نہیں رہ سکتی۔پرویز خٹک
