اسلام آباد: وزیر اعظم کی معاونِ خصوصی برائے اطلاعات فردوس عاشق اعوان نے کہا ہے کہ وزیر اعظم پاکستان عمران خان کے دورۂ سعودی عرب سے دونوں ممالک کے مابین تعلقات مزید مضبوط اور مستحکم ہوں گے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ وزیر اعظم عمران خان کا دو روزہ دورہ پاکستان اور سعودی عرب کے درمیان بااعتماد برادرانہ تعلقات کا مظہر ہے۔
یہ بھی پڑھیں: آمدن سے زائد اثاثہ جات: پیپلز پارٹی رہنما خورشید شاہ کا 2 روزہ راہداری ریمانڈ منظور
معاونِ خصوصی اطلاعات نے کہا کہ وزیر اعظم عمران خان سعودی ولی عہد محمد بن سلمان کے ساتھ مقبوضہ جموں و کشمیر کی صورتحال پر تبادلہ خیال کریں گے اور خطے کی سنگین صورتحال کے حوالے سے تفصیلی گفت و شنید ہوگی۔
وزیراعظم عمران خان کا دورہ سعودی عرب دونوں ممالک کے مابین بااعتماد برادرانہ تعلقات کا مظہر ہے۔ حالیہ دورے سے دونوں برادر ممالک کے تعلقات مزید مضبوط اور توانا ہوں گے۔وزیراعظم سعودی ولی عہد کے ساتھ مقبوضہ جموں کشمیر کی سنگین صورتحال پر تفصیل سے تبادلہ خیال کریں گے۔
— Firdous Ashiq Awan (@Dr_FirdousPTI) September 19, 2019
فردوس عاشق اعوان نے کہا کہ برادر اسلامی ملک اور او آئی سی کے اہم رکن سعودی عرب کو اعتماد میں لینا مظلوم کشمیریوں کی آواز کو مستحکم بنانے کے مترادف ہے۔ وزیر اعظم عمران خان کی کاوشوں سے مظلوم کشمیریوں کے لیے اسلامی دُنیا کی بھرپور تائید اور حمایت حاصل ہوئی۔ او آئی سی نے کشمیریوں کی حمایت کا واشگاف الفاظ میں اظہار کیا۔ وزیر اعظم اسی قوت کے ساتھ کشمیر کا مقدمہ اقوام متحدہ کی جنرل اسمبلی میں بھی پیش کریں گے۔
وزیراعظم عمران خان کی کوششوں سے مظلوم کشمیریوں کیلئے اسلامی دنیا کی بھرپور تائید و حمایت حاصل ہوئی۔ او آئی سی نے کشمیریوں کی حمایت کا واشگاف اظہار کیا۔وزیراعظم اسی قوت کے ساتھ کشمیر کا مقدمہ اقوام متحدہ کی جنرل اسمبلی میں پیش کریں گے۔
— Firdous Ashiq Awan (@Dr_FirdousPTI) September 19, 2019
یاد رہے کہ اس سے قبل وزیر اعظم پاکستان عمران خان وفاقی دارالحکومت اسلام آباد سے دو روزہ سرکاری دورے کے لیے روانہ ہو گئے اور سعودی عرب میں اہم ملاقاتوں کے دوران ولی عہد محمد بن سلمان سمیت سعودی قیادت کو مقبوضہ جموں و کشمیر کی صورتحال سے آگاہ کریں گے۔
وزیر اعظم عمران خان سعودی شہزادہ محمد بن سلمان سمیت دیگر سعودی حکام سے ملاقات کے دوران بھارت کی طرف سے مقبوضہ کشمیر کی آئینی حیثیت بدلنے اور کرفیو کے نفاذ کے بعد کی صورتحال پر بات چیت کریں گے۔
مزید پڑھیں: وزیر اعظم عمران خان سعودی عرب روانہ، شہزادہ سلمان اور دیگر سےاہم ملاقاتیں کریں گے