گوگل نیوز پر ہمیں فالو کریںپاکستان، سعودی عرب اور ترکیہ کے درمیان مکہ میں ہونے والے تاریخی دفاعی معاہدے کی خوشی میں پاکستان اور سعودی عرب کے مختلف شہروں میں سرکاری عمارتوں، شاہراہوں اور اہم مقامات کو خصوصی انداز میں سجایا گیا۔
نجی ٹی وی چینل جیو نیوز کے مطابق گزشتہ روز مکہ مکرمہ میں پاکستان، سعودی عرب اور ترکیہ کے درمیان دفاعی تعاون کے معاہدے پر تینوں ممالک کے سربراہانِ مملکت نے دستخط کیے، جس کے بعد دونوں برادر ممالک میں خوشی کی تقریبات اور خصوصی سجاوٹ کا اہتمام کیا گیا۔
وفاقی دارالحکومت اسلام آباد میں ایوانِ صدر، وزیراعظم ہاؤس اور پارلیمنٹ کی عمارتوں کو خوبصورت برقی قمقموں سے سجایا گیا، جبکہ شہر کی اہم شاہراہوں پر پاکستان، سعودی عرب اور ترکیہ کے قومی پرچم لہرائے گئے۔ اس کے علاوہ مکہ دفاعی معاہدے کے خیرمقدم میں شاہراہوں پر خصوصی بینرز بھی آویزاں کیے گئے۔
دوسری جانب سعودی دارالحکومت ریاض سمیت دیگر شہروں میں بھی دفاعی معاہدے کی خوشی میں نمایاں مقامات، ٹاورز اور اہم عمارتوں کو پاکستان، سعودی عرب اور ترکیہ کے قومی پرچموں سے سجایا گیا، جس سے تینوں ممالک کے درمیان مضبوط دفاعی تعلقات اور باہمی یکجہتی کا اظہار کیا گیا۔
