کیریئر سے مایوس احسان اللہ کیلئے ملتان سلطانز کے مالک نے امید کی کرن روشن کردی

مقبول خبریں

کالمز

موسم

قیمتیں

ٹرانسپورٹ

فوٹو ٹریبیون

ملتان سلطانز کے مالک علی ترین نے اپنے کیریئر سے مایوس فاسٹ بولر احسان اللہ سے رابطہ کرکے انہیں بڑی پیشکش کر دی۔

ملازمت کی پیشکش کے بعد احسان اللہ رواں سیزن کے پریذیڈنٹ کپ گریڈ ٹو ٹورنامنٹ میں ملتان سلطانز کی ڈیپارٹمنٹل ٹیم کی نمائندگی کریں گے۔وہ اپریل اور مئی میں پریذیڈنٹ کپ گریڈ ٹو میں جے ڈی ڈبلیو کے لیے کھیلیں گے اور مکمل فٹنس اور فارم حاصل کرنے کے لیے ملتان سلطانز کی سہولتیں استعمال کریں گے۔

سیف علی خان کیس کی تحقیقات میں شاہ رخ خان کے متعلق حیرت انگیز انکشاف

علی ترین نے کہا کہ ملتان سلطانز احسان اللہ کو اگلے پی ایس ایل سیزن میں واپس لانے کے لیے ان کی مکمل حمایت کرے گا۔ احسان اللہ کی تربیت ملتان سلطانز کی فاسٹ بولنگ کوچ کیتھرین ڈیلٹن کی نگرانی میں لودھراں کی اکیڈمی میں کی جائے گی۔

علی ترین نے مزید کہا کہ احسان اللہ ملک کا قیمتی اثاثہ ہیں اور ہم ان کی فٹنس اور فارم کی بحالی میں ہر ممکن مدد فراہم کریں گے۔ احسان اللہ جیسے فاسٹ بولر ایک نسل میں ایک بار پیدا ہوتے ہیں اور انہیں تحفظ کی ضرورت ہے۔ ملتان سلطانز پی سی بی کے ساتھ مل کر عالمی معیار کے ٹیلنٹ کو فروغ دینے اور پروان چڑھانے کے لیے پرعزم ہے۔

احسان اللہ نے کہا کہ ملتان سلطانز نے ہمیشہ ان کا ساتھ دیا ہے اور وہ ان کی مسلسل حمایت کے لیے شکر گزار ہیں۔ یاد رہے کہ گزشتہ روز احسان اللہ نے پی ایس ایل 10 کے ڈرافٹ میں نظرانداز ہونے کے بعد ریٹائرمنٹ کا اعلان کیا تھا، لیکن بعد میں انہوں نے اپنا فیصلہ واپس لے لیا۔

Related Posts