آدھی کابینہ کی کرسیاں ڈگمگاگئیں، سندھ حکومت کوخطرہ، پیپلز پارٹی پریشان

کراچی(نگاہ محمد) آدھی سے زیادہ سندھ کابینہ کی کرسیاں خطرے میں پڑ گئی ہیں۔ غیر منتخب مشیر معاون خصوصی اور کوآرڈینیٹر کی تعیناتی سندھ ہائی کورٹ میں چیلنج کردیا گیا۔

سندھ ہائیکورٹ سے فیصلہ آنے کے بعد 20 مشیروں ,کوآرڈینیٹر اور معاونین کو عہدوں سے ہاتھ دھونا پڑ سکتے ہیں۔ مشیروں میں مرتضیٰ وہاب، نثار کھوڑو اور دیگر پیپلزپارٹی کے سینئر رہنما شامل ہیں۔

مزید پڑھیں: اداکارہ مہوش حیات کا ڈاکٹر عامر لیاقت حسین کو ”مرد” بننے کا مشورہ

سندھ ہائیکورٹ میں درخواست دائر کی گئی ہے جس کے مطابق سندھ کابینہ میں شامل 39 میں سے 20 غیر منتخب نمائندے وزراتوں کے مزے لوٹ رہے ہیں، اور یہ تمام افراد انتخابات میں عوام کے مسترد کردہ بھی مشیر اور معاون بنا دئیے گئے۔

درخواست میں کہا گیا ہے کہ الیکشن کمیشن سے نااہل ہونے والے بھی مشیر بنا دئیے گئے، غیر منتخب نمائندوں نے کوئی حلف نہیں لیا جو قانون کے خلاف ہے جبکہ غیر منتخب مشیر معاون خصوصی اور کوآرڈینیٹرز کو دفاتر گاڑیاں اور دیگر مراعات دی جارہی ہیں۔

یاد رہے کہ اس سے پہلے بھی سندھ ہائی کورٹ نے وزیر اعلیٰ سندھ کے مشیروں اور معاونین کی تقرری کو غیر قانونی قرار دے چکی ہے۔