معاون خصوصی برائے اطلاعات فردوس عاشق اعوان کاکہنا ہے کہ بھارتی عدالت نے فسطائی مودی کےجھوٹ کاپول کھول دیاجس سےپاکستانی مؤقف کی تائیدہوئی۔
سماجی رابطے کی ویب سائٹ ٹوئٹرپراپنےپیغام میں فردوس عاشق اعوان کاکہناتھا کہ بھارتی ظلم وجبرمظلوم کشمیریوں کے صبر کے آگے پسپا ہورہا ہے، بھارتی سپریم کورٹ کافیصلہ پاکستان کی جیت ہے۔
بھارتی سپریم کورٹ کے فیصلے نے مقبوضہ جموں کشمیر کی صورتحال پر فسطائی مودی کے جھوٹ کا پول کھول دیا ۔یہ فیصلہ پاکستان کے موقف کی جیت ہے۔ بھارتی ظلم و جبر مظلوم کشمیریوں کے صبر کے آگے پسپا ہورہا ہے۔
— Firdous Ashiq Awan (@Dr_FirdousPTI) September 17, 2019
انہوں نے کہا کہ مقبوضہ کشمیرمیں انسانی حقوق کا تحفظ بھارتی عدلیہ کی آزادی کا امتحان ہے، دنیا دیکھ رہی ہے بھارتی سپریم کورٹ اپنے دعوے کے مطابق انسانی حقوق کا تحفظ اور مودی سرکارکے دباؤ کا مقابلہ کیسے کرتی ہے۔
مقبوضہ کشمیر میں عالمی انسانی حقوق کا تحفظ بھارتی عدلیہ کی آزادی کا امتحان ہے۔دنیا دیکھ رہی ہے کہ سپریم کورٹ اپنے دعوے کے مطابق بنیادی انسانی حقوق کا تحفظ اور مودی سرکارکے دباؤ کا مقابلہ کیسے کرتی ہے؟
— Firdous Ashiq Awan (@Dr_FirdousPTI) September 17, 2019
واضح رہے کہ بھارتی سپریم کورٹ نےمودی حکومت کومقبوضہ کشمیر میں معمولات زندگی جلد سے جلد بحال کرنے کے لیے اقدامات کرنےکاحکم دیاتھا۔
مزیدپڑھیں: بھارتی سپریم کورٹ کامودی سرکارکومقبوضہ کشمیر میں حالات معمول پرلانےکاحکم
مقبوضہ کشمیرمیں بھارت کی ریاستی دہشت گردی جاری ہے، مقبوضہ وادی میں کرفیو آج 45 ویں روز بھی جاری جس سے نظام زندگی مفلوج اور وادی میں اشیائے ضروریہ کی قلت پیداہوگئی ہے۔