گوگل نیوز پر ہمیں فالو کریںبلوچستان میں امن و امان کی صورتحال ایک بار پھر کشیدہ ہو گئی ہے جہاں نامعلوم مسلح افراد نے بلوچستان کے وزیرِ داخلہ میر ضیاء لانگو کے قافلے کو شدید فائرنگ کا نشانہ بنایا تاہم خوش قسمتی سے وزیرِ داخلہ اس جان لیوا حملے میں بال بال بچ گئے اور محفوظ رہے۔
پولیس حکام کی جانب سے فراہم کردہ تفصیلات کے مطابق یہ لرزہ خیز واقعہ مستونگ کے علاقے کھڈکوچہ گرو کے مقام پر پیش آیا جہاں گھات لگائے بیٹھے نامعلوم مسلح ملزمان نے قافلے پر اچانک دھاوا بول دیا۔
مسلح حملے کے جواب میں سیکیورٹی فورسز نے بھی بھرپور جوابی کارروائی کی جس کے نتیجے میں فائرنگ کا شدید تبادلہ ہوا اور اس دوران اینٹی ٹیررسٹ فورس (اے ٹی ایف) کے تین جوان زخمی ہو گئے۔
پولیس ذرائع کا مزید کہنا ہے کہ میر ضیاء لانگو کا یہ قافلہ قلات سے کوئٹہ کی جانب سفر کر رہا تھا کہ راستے میں اس دہشت گردانہ کارروائی کا سامنا کرنا پڑا۔
واقعے کی اطلاع ملتے ہی فوری طور پر امدادی کارروائیاں شروع کی گئیں اور فائرنگ کے اس تبادلے میں زخمی ہونے والے تینوں اہلکاروں کو فوری طبی امداد کے لیے شہید نواب غوث بخش رئیسانی اسپتال منتقل کر دیا گیا ہے۔
