ٹائی ٹینک سے 5 گنا بڑا تیرتا ہوا عجوبہ، دیکھئے دلکش تصاویر میں

دنیا کا سب سے بڑا بحری جہاز امریکی ریاست فلوریڈا کی بندرگاہ میامی سے  گزشتہ دن اپنے پہلے سفر پر روانہ ہوا، یہ جہاز افسانوی شہرت کے حامل غرقاب جہاز ٹائی ٹینک سے پانچ گنا بڑا ہے۔

رائل کیریبین کا آئکن آف دی سیز ایک تیرتا ہوا عجوبہ ہے، یہ انسانی ذہانت اور جدید لگژری سفر کے شعبے میں جدت کی اعلی مثال ہے۔

250,800 ٹن وزنی یہ جہاز فن لینڈ کے شہر ترکو کے شپ یارڈ میں بنایا گیا۔

365-لمبے آئکن آف دی سیز میں 20 ڈیک ہیں اور اس میں زیادہ سے زیادہ 7,600 مسافر رہ سکتے ہیں۔ آئیے اس جہاز کی خصوصیات کو تصاویر کے آئینے میں دیکھتے ہیں۔

جہاز میں سات سوئمنگ پول اور چھ واٹر سلائیڈز ہیں۔ 40 سے زیادہ ریستوران، بار اور لاؤنجز بھی ہیں اور ایک 17 میٹر اونچا آبشار بھی شامل ہے۔

تاہم ماہرین ماحولیات نے خبردار کیا ہے کہ ایل این جی سے چلنے والا یہ جہاز نقصان دہ میتھین ہوا میں لے جائے گا۔ اگرچہ ایل این جی روایتی سمندری ایندھن جیسے ایندھن کے تیل کے مقابلے میں زیادہ صاف جلتی ہے، لیکن کچھ گیسوں کے اخراج کا خطرہ ہے، اس سے میتھین فضا میں خارج ہوتی ہے۔

میتھین کاربن ڈائی آکسائیڈ سے کہیں زیادہ طاقتور گرین ہاؤس گیس ہے۔ اگرچہ اسے ماحول دوست متبادل کے طور پر پیش کیا گیا ہے مگر یہ موضوع کروز انڈسٹری میں کافی تنقید کا باعث ہے۔