گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ قائدِ حزبِ اختلاف پنجاب اسمبلی حمزہ شہباز کی ضمانت کا مطلب بریت نہ لیا جائے۔
سماجی رابطے کی ویب سائٹ ٹوئٹر پر اپنے پیغام میں فردوس عاشق اعوان نے کہا کہ لیگی راہنما سیاہ کو سفید نہیں کر سکتے۔حمزہ شہباز کی ضمانت کا مطلب بریت نہیں۔
معاونِ خصوصی اطلاعات فردوس عاشق اعوان نے کہا کہ سچائی سے بھاگنے والوں کو بھاگنے نہیں دیں گے۔عوام کو مزید گمراہ نہیں کیا جاسکتا جبکہ قوم کے سامنے سچائی آکر رہے گی۔
لیگی راہنما سیاہ کو سفید نہیں کر سکتے۔حمزہ شہباز کی ضمانت کا مطلب بریت نہیں۔سچائی سے بھاگنے والوں کو بھاگنے نہیں دیں گے۔عوام کو مزید گمراہ نہیں کیا جاسکتا قوم کے سامنے سچائی آکر رہے گی۔
— Dr. Firdous Ashiq Awan (@Dr_FirdousAwan) February 7, 2020
ٹوئٹر پیغام میں فردوس عاشق اعوان نے ن لیگ رہنما احسن اقبال کو مخاطب کرتے ہوئے کہا کہ احسن صاحب! جیلوں میں قید دیگر قیدیوں کی بھی بیٹیاں ہیں۔
پیغام میں فردوس عاشق اعوان نے کہا کہ قیدیوں کی بیٹیاں سوال کر رہی ہیں کہ ان سے امتیازی سلوک کیوں ؟قانون کو خواہشات کی بھینٹ نہیں چڑھایا جا سکتا۔ہرصورت قانون کی عملداری یقینی بنائیں گے۔
احسن اقبال صاحب جیلوں میں قید دیگر قیدیوں کی بھی بیٹیاں ہیں۔وہ سوال کر رہی ہیں کہ ان سے امتیازی سلوک کیوں ؟قانون کو خواہشات کی بلی نہیں چڑھایا جا سکتا۔ہرصورت قانون کی عملداری یقینی بنائیں گے۔
— Dr. Firdous Ashiq Awan (@Dr_FirdousAwan) February 7, 2020
مسلم لیگ (ن) کے تاحیات قائد اور سابق وزیر اعظم پر تنقید کرتے ہوئے فردوس عاشق اعوان نے کہا کہ نوازشریف شدید بیماری کا بیان دے کر لندن گئے اور ابھی تک ہسپتال میں داخل نہیں ہوئے۔
ڈاکٹر فردوس عاشق اعوان نے کہا کہ نواز شریف کی میڈیکل رپورٹس نے بھی ”قطری خط“ کادرجہ حاصل کرلیا ہے۔کہتے ہیں جب تک ہسپتال میں داخل نہیں ہوتے، میڈیکل رپورٹس نہیں بھجواسکتے۔
محمد نوازشریف شدید بیماری کا بیان دے کر لندن گئے اور ابھی تک ہسپتال میں داخل نہیں ہوئے۔ ان کی میڈیکل رپورٹس نے بھی ”قطری خط“ کادرجہ حاصل کرلیا ہے۔ کہتے ہیں جب تک ہسپتال میں داخل نہیں ہوتے میڈیکل رپورٹس نہیں بھجواسکتے۔
— Dr. Firdous Ashiq Awan (@Dr_FirdousAwan) February 7, 2020
فردوس عاشق اعوان نے کہا کہ ’شریفوں‘ نے قواعدوضوابط سے جو کھلواڑ کیا، اس کا سلسلہ اب بھی جاری ہے۔ اب میاں صاحب کے ”پلیٹ لیٹس“ کی بجائے لندن کے ریستوران سے پلیٹوں اور چمچوں کی کھنک سنائی دیتی ہیں۔
انہوں نے کہا کہ سابق وزیر اعظم نواز شریف کی میڈیکل رپورٹ کے ساتھ مریض کا ”مینیو کارڈ“ بھی قوم کو بتایاجائے تاکہ قوم کو حقائق کا پتہ چل سکے۔
’شریفوں‘ نے قواعدوضوابط سے جو کھلواڑ کیا، اس کا سلسلہ اب بھی جاری ہے۔ اب میاں صاحب کے ”پلیٹ لیٹس“ کی خبر کی بجائے لندن کے ریستوران سے پلیٹوں اور چمچوں کی کھنک سنائی دیتی ہیں۔ میڈیکل رپورٹ کے ساتھ مریض کا ”مینیو کارڈ“ بھی قوم کو بتایاجائے تاکہ قوم کو حقائق کا پتہ چل سکے۔
— Dr. Firdous Ashiq Awan (@Dr_FirdousAwan) February 7, 2020
یاد رہے کہ اس سے قبل لاہور ہائیکورٹ نے رمضان شوگر ملز کیس میں مسلم لیگ ن کے رہنماء و پنجاب اسمبلی میں اپوزیشن لیڈرحمزہ شہباز کی ضمانت منظور کر لی۔
لاہورہائیکورٹ کے جسٹس مظاہر علی نقوی اور جسٹس چوہدری عبدالعزیز پر مشتمل بنچ نے گزشتہ روز حمزہ شہباز شریف کی درخواست ضمانت پر سماعت کی۔
مزید پڑھیں: رمضان شوگر ملز کیس میں حمزہ شہباز کی ضمانت منظور
