گوگل نیوز پر ہمیں فالو کریںعالمی مارکیٹ میں خام تیل کی قیمتوں نے مسلسل چار سیشنز کی گراوٹ کے بعد منگل کو ایک بار پھر بڑھنا شروع کر دیا۔ مارکیٹ میں یہ مثبت رجحان ایک ایسے وقت میں سامنے آیا ہے جب سرمایہ کار اقوام متحدہ کی جنرل اسمبلی کے اجلاس کے دوران امریکا اور ایران کے درمیان ممکنہ رابطوں اور مذاکرات سے متعلق پیش رفت کا انتظار کر رہے ہیں۔
اس کے ساتھ ساتھ آبنائے ہرمز کے ذریعے تیل کی سپلائی میں بہتری نے عالمی منڈی میں رسد سے متعلق خدشات کو بھی کسی حد تک کم کیا ہے۔
برینٹ کروڈ کے نومبر کے معاہدے کی قیمت میں 1.14 ڈالر کا اضافہ ہوا جوکہ 1.1 فیصد بنتا ہے۔ اس اضافے کے بعد برینٹ کی قیمت 101.48 ڈالر فی بیرل تک پہنچ گئی۔
امریکی خام تیل ویسٹ ٹیکساس انٹرمیڈیٹ (WTI) کے اکتوبر کے معاہدے میں بھی 87 سینٹ یعنی 0.9 فیصد اضافہ ریکارڈ کیا گیا جس کے بعد اس کی قیمت 96.65 ڈالر فی بیرل ہوگئی۔ یہ معاہدہ منگل کو اپنی مدت پوری کر رہا ہے۔
ادھر نومبر کے زیادہ فعال WTI معاہدے کی قیمت بھی 85 سینٹ یا 0.9 فیصد اضافے کے بعد 93.22 ڈالر فی بیرل ریکارڈ کی گئی۔
