کراچی:چیئرمین پاکستان پیپلز پارٹی بلاول بھٹو زرداری ضلع شرقی کے جنرل سیکریٹری بلوچ خان گبول کی عیادت کے لیے ان کے گھر پہنچ گئے، چیئرمین کی کراچی آمد پر کارکنان خوشی سے نہال ہو گئے۔
پاکستان پیپلز پارٹی کراچی ڈویژن کے صدر و صوبائی وزیر سعید غنی اور ضلعی صدر اقبال ساند بھی اس موقعے پر چیئرمین پیپلز پارٹی بلاول بھٹو زرداری کے ہمراہ تھے۔
سماجی رابطے کی ویب سائٹ ٹوئٹر پر گزشتہ روز ضلعی صدر اقبال ساند نے اپنے پیغام میں سوال کیا کہ پارٹی ورکرز سے اتنی محبت کرنے والا کوئی ایسا رہنما کسی اور پارٹی میں بھی موجود ہے؟
چیئرمین پاکستان پیپلز پارٹی بلاول بھٹو زرداری پی پی پی ضلع شرقی کے جنرل سیکرٹری بلوچ خان گبول کی عیادت کیلئے ان کے گھر پہنچ گئے.
اس موقع پر صدر کراچی وصوبائی وزیر سعید غنی صدر ڈسٹرکٹ ایسٹ اقبال ساند بھی موجود .
ھے کوئی اور ایسا لیڈر جو اپنے پارٹی ورکرز سے اتنی محبت کرتا ھو.. ♥️ pic.twitter.com/nXfeXTLIne— Iqbal Sandh (@IqbalSandh) February 8, 2020
یاد رہے کہ اس سے قبل چیئرمین پاکستان پیپلز پارٹی بلاول بھٹو زرداری نے ملک میں مہنگائی کیخلاف تحریک شروع کرنے کا اعلان کرتے ہوئے کہا ہے کہ 50 لاکھ گھروں کا وعدہ کرنے والے حکمران ایک بھی نہیں بنا سکے۔
بلاول بھٹو زرداری نے 5 روز قبل کراچی میں خطاب کرتے ہوئے مطالبہ کیا کہ حکومت آئی ایم ایف کے ساتھ دوبارہ مذاکرات کرے۔ پیکیج میں پاکستان اور عوام کے حقوق پر سودے بازی نہیں ہونی چاہیے۔
مزید پڑھیں: بلاول بھٹو زرداری مہنگائی کیخلاف تحریک شروع کریں گے