گوگل نیوز پر ہمیں فالو کریںاسلام آباد: وفاقی وزیرِ اطلاعات شبلی فراز نے کہا ہے کہ پاکستانی خواتین نے ملک کی تعمیر و ترقی کیلئے نمایاں کردار ادا کیا ہے جبکہ آج کا دن معاشرے میں خواتین کے بلند مقام کو نمایاں کرتا ہے۔
سماجی رابطے کی ویب سائٹ ٹوئٹر پر عالمی یومِ خواتین کے حوالے سے اپنے پیغام میں وزیرِ اطلاعات شبلی فراز نے کہا کہ آج کا دن معاشرے میں خواتین کے بلند مقام اور مختلف شعبہ جات میں ان کی قابلِ ستائش خدمات کی اہمیت کو اجاگر کرتا ہے۔
پیغام میں وفاقی وزیرِ اطلاعات نے کہا کہ دینِ اسلام نے خواتین کو بے مثال حقوق دئیے، ملکی آئین میں خواتین کے حقوق کی ضمانت دی گئی ہے۔ پاکستان کی تعمیرو ترقی کے عظیم مقصد کیلئے خواتین نے روشن کردار ادا کیا۔
وفاقی وزیرِ اطلاعات شبلی فراز نے کہا کہ معاشرے کو مہذب اور روشن خیال بنانے کیلئے خواتین کو بااختیار بنانا لازم ہے۔ خواتین کو ترقی کے مساوی مواقع اور حقوق کی یقینی فراہمی کیلئے اقدامات اٹھائیں گے۔
وزیرِ اطلاعات شبلی فراز نے کہا کہ معاشرے میں خواتین کو طاقتور اور محفوظ بنانا ہمارا پختہ عزم ہے۔ انفورسمنٹ آف ویمن پراپرٹی رائٹس خواتین کے وراثتی حقوق کو یقینی بنانے کیلئے ممد و معاون ثابت ہوگا۔
آج کا دن معاشرے میں خواتین کے بلند مقام اور مختلف شعبہ جات میں ان کی قابل ستائش خدمات کی اہمیت کو اجاگر کرتا ہے۔دین اسلام نے خواتین کو بے مثال حقوق دیئے ہیں۔ آئین پاکستان خواتین کے حقوق کا ضامن ہے۔پاکستان کی تعمیر و ترقی میں خواتین نے روشن کردار ادا کیا ہے۔
— Senator Shibli Faraz (@shiblifaraz) March 8, 2021
یہ بھی پڑھیں: ملک کی خدمت کرنے والی خواتین بے پناہ عزت و احترام کی مستحق ہیں۔آرمی چیف
