گوگل نیوز پر ہمیں فالو کریںکراچی: سکھن پولیس نے کارروائی کرتے ہوئے اسٹریٹ کرائم کی متعدد وارداتوں میں مطلوب دو رکنی گروہ کو گرفتار کرلیا۔
تفصیلات کے مطابق پولیس کا کہنا ہے کہ دونوں مطلوب ملزموں کو خفیہ اطلاع پر پیرانو گوٹھ میں کارروائی کے دوران گرفتار کیا۔ گرفتار ملزمان کے قبضے سے غیر قانونی اسلحہ ، ایمونیشن اور موٹر سائیکل برآمد کرلی۔
پولیس کا کہنا ہے کہ ملزمان سے برآمد ہونے والی موٹرسائیکل تھانہ عوامی کالونی سے چوری کی گئی تھی۔ موٹرسائیکل چوری کا مقدمہ نمبر 84/2021 تھانہ عوامی کالونی میں نامعلوم ملزمان کیخلاف درج تھا۔
ابتدائی تفتیش کے دوران ملزمان نے شہر کے مختلف علاقوں میں درجنوں وارداتوں کا انکشاف کیا ہے۔ دونوں ملزمان عادی مجرم ہیں اور متعدد مقدمات میں پہلے بھی گرفتار ہو کر جیل جا چکے ہیں۔
گرفتار ملزمان کیخلاف ضابطے کی کارروائی کی جا رہی ہے۔ ملزمان سے برآمد اسلحہ فارنزک کیلئے روانہ کر دیا گیا۔ پولیس کا کہنا ہے کہ گرفتار ملزمان میں محمد وارث اور ارشاد عرف شادا شامل ہیں۔
یہ بھی پڑھیں:مہران ٹاؤن میں جدید اسلحےوالا ڈکیت گروہ سرگرم، شہریوں سے کروڑوں لوٹ لیے گئے
