گوگل نیوز پر ہمیں فالو کریںاسلام آباد: چیئر مین ایف بی آر شبر زیدی نے کہا ہے کہ سیلز ٹیکس کی جعلی اور فلائنگ ان وائسز میں ملوث تمام افراد کیخلاف کارروائی شروع کردی گئی ہے۔
سیلز ٹیکس کی جعلی رسیدوں کے خلاف ایف بی آر متحرک ہوگئی ہے، سماجی رابطے کی ویب سائٹ ٹوئٹرپر اپنے پیغام میںچیئرمین ایف بی آر شبرزیدی نے کہا ہے کہ تاجر برادری نیب سے تو بچ جائے گی مگر ایف بی آر نہیں بخشے گا۔
چیئرمین ایف بی آرکا کہنا تھا کہ سیلز ٹیکس کی جعلی اور فلائنگ ان وائسز میں ملوث تمام افراد کے خلاف کارروائی شروع کردی گئی ہے،سیلز ٹیکس کی جعلی رسیدوں کے خلاف گزشتہ روز فیصل آباد میں ایکشن لیا گیا ۔ کارروائی کے دوران 2افراد گرفتاہوئےجبکہ ملزموں کے ساتھیوں اور جعلی اکاؤنٹس کی بھی نشاندہی ہو گئی۔
Actions against fake and flying invoices in sales tax has gained momentum. Two people have been arrested on that count in Faisalabad. Their accomplices textile exporters and fake accounts have been identified. Laws for prosecution to be used once case is mature.
— Syed Shabbar Zaidi (@ShabarZaidi) October 6, 2019
چیئرمین ایف بی آر کا کہنا تھا کہ میں یہ بات واضح کر دینا چاہتا ہوں کہ اس طرح کے کاموں میں ملوث افراد کے خلاف بہت بہت سخت کارروائی کی جائے گی ۔
واضح رہے کہ اسلام آباد میں پریس کانفرنس کرتے ہوئے چیئرمین نیب جسٹس (ر)جاوید اقبال کاکہنا تھا کہ اب سے ٹیکسوں سےمتعلق کیسزایف بی آرکوبھیجےجائیں گے،ٹیکس کےمعاملات اب ایف بی آردیکھےگا،بینک ڈیفالٹ کےکیسزاسٹیٹ بینک،متعلقہ بینک دیکھےگا، متلعقہ بینک کی جانب سے درخواست کے بغیر نیب بینک ڈیفالٹ کیسز نہیں لے گا۔
