گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے مہنگائی میں مزید کمی کی پیشگوئی کرتے ہوئے کہا ہے کہ ملک میں مہنگائی کا جن بوتل میں بند ہوجائے گا۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ مہنگائی کی شرح میں مسلسل دوسرے ماہ کمی آئی ہے۔
وفاقی وزیر سائنس و ٹیکنالوجی فواد چوہدری نے کہا کہ مارچ کے دوران مہنگائی میں مزید کمی کی توقع ہے۔ حکومتی اقدامات کے ساتھ ساتھ عالمی سطح پر تیل کی قیمتیں بھی کم ہوئی ہیں۔
وزیر سائنس و ٹیکنالوجی فواد چوہدری نے کہا کہ حکومتی اقدامات اور بین الاقوامی سطح پر قیل کی قیمتوں میں کمی سے مہنگائی کا جن بوتل میں بند ہوتا دکھائی دیتا ہے۔
مہنگائ کی شرح میں مسلسل دوسرے ماہ کمی آئ ہے، مارچ میں مہنگائ میں مزید کمی کی توقع ہے، حکومتی اقدامات عالمی سطح پر تیل کی قیمتوں میں کمی سے مہنگائ کا جن بوتل میں بند ہوتا دکھائ دیتا ہے۔
— Ch Fawad Hussain (@fawadchaudhry) March 7, 2020
یاد رہے کہ اس سے قبل پاکستان تحریکِ انصاف کے سینئر رہنما اور وفاقی وزیرِ منصوبہ بندی و ترقی اسد عمر نے عوام کو خوشخبری سناتے ہوئے کہا کہ مہنگائی میں مزید کمی ہو گئی ہے۔
ٹوئٹر پرگزشتہ روز اپنے پیغام میں وفاقی وزیر منصوبہ بندی اسد عمر نے کہا کہ اِس ہفتے جاری ہونے والی شماریات کے مطابق مہنگائی میں مزید کمی ہوئی ہے۔ روزمرہ استعمال کی اشیائے میں افراطِ زر کم ہوا ہے۔
مزید پڑھیں: اسد عمر نے مہنگائی میں مزید کمی کی خوشخبری سنا دی
