گوگل نیوز پر ہمیں فالو کریںپنجاب حکومت نے صوبے بھر کے سرکاری میڈیکل اور ڈینٹل کالجز میں زیر تعلیم طلبہ کے لیے فیسوں کا نیا ڈھانچہ متعارف کروا دیا ہے جس کے تحت سالانہ فیس میں ہوشربا اضافہ کر دیا گیا ہے۔
محکمہ صحت اور متعلقہ اداروں کے جاری کردہ احکامات کے مطابق، سرکاری میڈیکل اور ڈینٹل کالجز میں ایم بی بی ایس اور بی ڈی ایس کی سالانہ فیس کو 15 ہزار روپے سے بڑھا کر براہِ راست 50 ہزار روپے کر دیا گیا ہے۔ فیسوں میں اس ڈھائی سو فیصد (233 فیصد سے زائد) کے بڑے اضافے کے بعد اب نئے طلبہ پر مالی بوجھ کافی بڑھ جائے گا۔
کس پر ہوگا اطلاق؟
نئے ریٹس کا اطلاق رواں تعلیمی سال کے دوران نئے داخلے لینے والے تمام طلبہ پر لازمی ہوگا۔ دوسری جانب پچھلے سالوں سے کالجز میں زیرِ تعلیم سینئر طلبہ کو اس اضافے سے استثنیٰ دیا گیا ہے وہ پرانی پالیسی کے تحت سابقہ شرح (15 ہزار روپے سالانہ) کے حساب سے ہی فیس جمع کروائیں گے۔
اس کٹہرے میں نئے آنے والے طلبا کو اب پچھلے بیجز کے مقابلے میں ہر سال اضافی 35 ہزار روپے کی کثیر رقم چکانی ہوگی جس پر طلبا اور والدین کی جانب سے ملا جلا ردعمل سامنے آ رہا ہے۔
