گوگل نیوز پر ہمیں فالو کریںپمز اسپتال کے زچہ و بچہ مرکز سے نومولود کے مبینہ اغوا کی کوشش سیکیورٹی عملے کی بروقت کارروائی سے ناکام بنا دی گئی جبکہ پولیس نے تین خواتین کو حراست میں لے کر بچے کو بحفاظت بازیاب کرلیا۔
پمز ذرائع کے مطابق خواتین مبینہ طور پر نومولود کو نرسری سے باہر لے جانے کی کوشش کر رہی تھیں۔ ان کے ساتھ موجود ایک کم عمر بچی نے بچے کو اٹھا رکھا تھا اور یہ گروہ اسپتال کے گیٹ تک پہنچ چکا تھا۔
گیٹ پر موجود سیکیورٹی گارڈ کو خواتین اور بچی کے رویے پر شک ہوا تو اس نے انہیں روک کر نومولود کو اپنی تحویل میں لے لیا۔ بعد ازینہ طور پر بچے کی والدہ کو دھوکا دے کر نومولود تک رسائی حاصل کی۔ گرفتار خواتین سے مزید تاں معاملہ پولیس کے حوالے کردیا گیا۔
پولیس کے مطابق ابتدائی تفتیش میں سامنے آیا ہے کہ ملزمان نے مبینہ طور پر بچے کی والدہ کو دھوکا دے کر نومولود تک رسائی حاصل کی۔ گرفتار خواتین سے مزید تفتیش جاری ہے۔
پولیس کا کہنا ہے کہ زیرحراست افراد کو ویمن پولیس اسٹیشن منتقل کردیا گیا ہے جبکہ واقعے کی مزید تحقیقات کی جارہی ہیں۔ ابتدائی معلومات کے مطابق مبینہ گروہ کا تعلق لاہور سے بتایا گیا ہے۔
اسلام آباد پولیس نے شہریوں سے اپیل کی ہے کہ کسی بھی مشکوک سرگرمی کی صورت میں فوری طور پر پولیس ہیلپ لائن 15 پر اطلاع دی جائے۔
