گوگل نیوز پر ہمیں فالو کریںبلدیہ عظمیٰ کراچی (کے ایم سی) کے ہیڈ آفس میں اچانک آگ بھڑک اٹھی جس نے میئر کراچی مرتضیٰ وہاب کے دفتر کو اپنی لپیٹ میں لے لیا۔ فائر بریگیڈ کی کارروائی کے بعد آگ پر قابو پالیا گیا تاہم واقعے میں کوئی جانی نقصان نہیں ہوا۔
کے ایم سی حکام کے مطابق آگ میئر کراچی کے دفتر سے متصل کچن میں لگی جس کے بعد شعلوں نے دفتر کو بھی اپنی لپیٹ میں لے لیا۔
بڑی خبر۔۔۔۔!
کراچی: ایم اے جناح روڈ پر واقع کے ایم سی ہیڈ آفس میں میئر کراچی کے دفتر میں آگ لگ گئی۔
آتشزدگی کا واقعہ صبح 9 بجے پیش آیا، آگ پر قابو پا لیا گیا۔ آگ کی شدت کے باعث چند ہی منٹوں میں دفتر کا فرنیچر جل کر خاکستر ہوگیا۔
میئر کراچی کے دفتر میں آگ لگنے کی وجہ تاحال… https://t.co/oe56LYzrtM pic.twitter.com/TvV5KlrFB1
— Shahid Hussain (@ShahidHussainJM) September 8, 2026
فائر بریگیڈ حکام کا کہنا ہے کہ اطلاع ملتے ہی امدادی کارروائی شروع کی گئی اور آگ کو مزید پھیلنے سے روک دیا گیا۔
حکام کے مطابق آتشزدگی کے نتیجے میں میئر کراچی کا دفتر مکمل طور پر جل گیا تاہم کسی شخص کے زخمی یا جاں بحق ہونے کی اطلاع نہیں ہے۔
آگ لگنے کی وجوہات اور واقعے میں ہونے والے مالی نقصان کی تفصیلات تاحال سامنے نہیں آسکیں۔
