شان شاہد نے بالی ووڈ کے مشہور خانوں کو میمنا کہہ دیا

کراچی: بھارت کی حکمراں جماعت بھارتیہ جنتا پارٹی کی ترجمان کی جانب سے نبی اکرم ﷺ کی شان میں گستاخانہ بیان دیئے جانے کے بعد بھارتی اداکاروں کی خاموشی پر اداکار شان شاہد برس پڑے۔

سماجی رابطے کی ویب سائٹ ٹویٹر پر اداکار شان شاہد نے بالی ووڈ کے مشہور مسلمان اداکار سلمان خان، عامر خان اور شاہ رُخ خان کی تصویر شیئر کرتے ہوئے کیپشن میں لکھا کہ ان کی جانب سے مکمل خاموشی ہے اور انہوں نے تینوں بھارتی اداکاروں کو میمنوں سے تشبیہ دے دی۔

Silence of the … LAMBS. #bjphatespeech #condemn pic.twitter.com/kDbPMclIDR

— Shaan Shahid (@mshaanshahid) June 6, 2022

اداکار شان شاہد نے ایک اور پوسٹ میں پاکستانی اداکاروں کو مخاطب کرتے ہوئے لکھا کہ بی جے پی کیخلاف بولنے پر پاکستان میں کچھ اداکار اب بھی خاموش ہیں، یہی فنکار کہتے تھے فنکار کی کوئی سرحد نہیں ہوتی۔

Kuch adaakaar ab bhi khamosh Hain ???????? bjp kai khilaaf bolnay sai .. yae kehtay thai fankaar ki koi sarhad nahi hoti ..bhai sarhad nahi hoti sharm tu hoti hai kai woh bhi baich di ? raise your voice condemn the hateful speech against our PROPHET PBUH..???????? ……. #banmodisindia

— Shaan Shahid (@mshaanshahid) June 6, 2022

انہوں نے کہا کہ بھائی اگر سرحد نہیں ہوتی لیکن شرم تو ہوتی ہے کہ وہ بھی بیچ دی کیا؟ اُن کا مزید کہنا تھا کہ نبیﷺ کی شان میں گستاخانہ الفاظ بیان کیے جانے پر اپنی آواز بلند اور اس کی مذمت کریں۔ اداکار شان شاہد نے ’بین مودی انڈیا‘ کا ہیش ٹیگ بھی استعمال کیا۔