معاشی مسائل، وزیراعظم کی زیر صدارت اجلاس میں ہنگامی اقدامات اٹھانیکا اعلان

اسلام آباد: وزیرِاعظم شہباز شریف کی زیر صدارت اعلیٰ سطحی اجلاس میں ملک کے معاشی مسائل کے حل کیلئے ہنگامی اقدامات اٹھانے کا اعلان کیا گیا ہے۔اجلاس کے دوران وزارتِ خزانہ نے معاشی صورتحال کی تفصیلات پر بریفنگ دی۔ 

وفاقی دارالحکومت میں وزیرِ اعظم میاں شہباز شریف کی زیرِ صدارت ملکی معیشت کی موجودہ صورتحال پر اعلی سطحی اجلاس ہوا جس میں سابق وزیر اعظم شاہد خاقان عباسی، سابق وزیر داخلہ احسن اقبال اور سابق وزیر خزانہ مفتاح اسماعیل شریک ہوئے۔

یہ بھی پڑھیں:

پاکستان اسلامی جمہوریہ، یہاں اسلام کے مطابق کچھ نہیں ہورہا۔ جسٹس فائز عیسیٰ

سابق وزیرِ اطلاعات و ترجمان ن لیگ مریم اورنگزیب، سابق گورنر سندھ زبیر عمر، عائشہ غوث پاشا، طارق محمود پاشا، بلال کیانی اور متعلقہ اعلی افسران بھی وزیر اعظم کی زیر صدارت معاشی صورتحال سے متعلق اجلاس میں شریک تھے۔ 

وفاقی وزارتِ خزانہ نے میاں شہباز شریف کو موجودہ ملکی معیشت کی صورتحال سے تفصیلی طور پر آگاہ کیا۔اس موقعے پر گفتگو کرتے ہوئے وزیر اعظم نے کہا کہ ہم ملک کو معاشی اعتبار سے ملک کو مستحکم بنانے کے خواہاں ہیں۔ ہنگامی اقدامات اٹھائیں گے۔ 

دورانِ گفتگو وزیر اعظم شہباز شریف نے کہا کہ عام آدمی کی معاشی حالت بہتر کرنے کیلئے ہر صورت اقدامات اٹھائے جائیں۔ حکومت ملک کی معاشی صورتحال بہتر کرنے کے ساتھ ساتھ مہنگائی پر قابو پانے کیلئے ترجیحی بنیادوں پر اقدامات اٹھائے گی۔