گوگل نیوز پر ہمیں فالو کریںکراچی :پاکستان کے خلاف دوسرے ٹیسٹ میچ کا پہلا روز آسٹریلیا کے نام ،عثمان خواجہ کی سنچری کی بدولت مہمان ٹیم نے 3 وکٹوں کے نقصان پر 251رنز بنالئے۔
کراچی کے نیشنل اسٹیڈیم میں سیریز کے دوسرے ٹیسٹ میچ میں آسٹریلیا کے کپتان پیٹ کمنز نے ٹاس جیت کر پاکستان کو باؤلنگ کی دعوت دی۔
آسٹریلیا نے اننگز کا آغاز کیا تو اوپنرز ڈیوڈ وارنر اور عثمان خواجہ نے ذمے دارانہ کھیل پیش کرتے ہوئے ناصرف نصف سنچری شراکت قائم کی بلکہ اچھے رن ریٹ کو برقرار رکھتے ہوئے اسکور کرتے رہے۔
دونوں کھلاڑیوں نے 82رنز کی شراکت قائم کی تاہم اسی اسکور پر فہیم اشرف کی ایک گیند کو ڈیوڈ وارنر سمجھ نہ سکے اور گیند 36رنز بنانے والے کھلاڑی کے بلے کا باہری کنارہ لیتی ہوئی وکٹ کیپر کے ہاتھوں میں محفوظ ہو گئی ۔
آسٹریلیا کو اصل دھچکا اس وقت لگا جب ایک غیرضروری لینے کی کوشش میں مارنس لبوشین، ساجد خان کی ڈائریکٹ تھرو پر رن آؤٹ ہو گئے۔دوسرے اینڈ سے عثمان خواجہ نے عمدہ کھیل پیش کرتے ہوئے لگاتار دوسرے میچ میں نصف سنچری اسکور کی۔
کھانے کے وقفے کے بعد بھی اسٹیو اسمتھ اور عثمان نے عمدہ بیٹنگ جاری رکھی اور دوسرے سیشن میں پاکستانی باؤلرز وکٹ سے محروم رکھا۔دن کے تیسرے سیشن میں بھی دونوں آسٹریلین بلے بازوں نے شاندار کھیل کا مظاہرہ کیا اور تیسری وکٹ کیلئے 159رنز جوڑے۔
مزید پڑھیں:اسٹائلش بیٹرظہیرعباس پی سی بی ہال آف فیم میں شامل
