گوگل نیوز پر ہمیں فالو کریںاسلام آباد: ہائیر ایجوکیشن کمیشن نے مائیکروسافٹ امیجن کپ 2023 کے فاتحین کا اعلان کر دیا۔
رپورٹ کے مطابق مائیکرو سافٹ اور پاکستان ہائر ایجو کیشن کمیشن نے امیجن کپ 2023 کے فا تحین کا اعلان کردیا ہے۔ اس موقع پر کنٹری ایجو کیشن لیڈمائیکرو سافٹ پاکستان جبران جمشید نے کہا کہ مائیکرو سافٹ طلباء کو جدید ترین ٹیکنالوجی کی تربیت اور رساٸی کے ذریعے سے 21ویں صدی کی مہارتو ں کو سیکھنے کے قابل بناتا ہے، جس کی زندہ مثال امیجن کیپ ہے۔
مائیکرو سافٹ نے امیجن کپ کے مقابلوں کی چاروں کیٹیگریز میں جیتنے والوں کا اعلان کیا۔ 9 یونیورسٹیز کی ٹیموں کو امیجن کپ کا علاقائی اور رنر اپ قرار دیا گیا۔ چار جیتنے والی ٹیموں کو نقد انعامات بھی دیئے گئے۔ اب یہ فاتح ٹیمیں دنیا کی ٹاپ فائنلسٹ ٹیموں کیساتھ مقابلہ کرتے ہوئے بین الاقوامی سطح پر پاکستان کی نمائندگی کرینگی ۔
ڈائریکٹر جنرل اسلامک ورلڈ ایجو کیشنل سائفک اینڈ کلچرل آگنائزیشن ڈاکٹر سلیم ایم المالک نے تقریب سے خطاب میں کہا کہ مائیکرو سافٹ جیسی کمپنیوں کیساتھ اس طرح کی شراکتیں طلباء کو جدید ٹیکنالو جی کے استعمال میں مدد دیتے ہیں۔
چیئرمین ایچ ای سی پروفیسر ڈاکٹر مختار احمد نے کہا کہ مائیکرو سافٹ اور ایچ ای سی تعلیمی شعبے میں ٹیک ریفامز متعارف کرانے کیلئے مسلسل کا م کررہے ہیں۔
اس موقع پر چیئرمین ایچ ای سی پروفیسر ڈاکٹر مختار احمد کا کہنا تھا کہ امیجن کپ ان منصوبوں میں سے ایک ہے جس پر مائیکرو سافٹ اور ایچ ای سی دونو ں کو فخر ہے۔
واضح رہے کہ مائیکرو سافٹ نے پہلے ہی ایچ ای سی کیساتھ تعلیمی تبدیلی کا معاہدہ کیا ہوا ہے جس میں پاکستان کے اہم اعلی تعلیمی اداروں کا احاطہ کیا گیا ہے۔ معاہدے کے تحت ما ئیکرو سافٹ 100000اہل طلباء کو تربیت دے کرمفت سر ٹیفکیٹ دے گا۔
