گوگل نیوز پر ہمیں فالو کریںپنجاب کے ضلع گجرات کے نواحی علاقے مراریاں گاؤں میں ایک اندوہناک واقعہ پیش آیا جہاں ایک نوجوان نے ناشتہ دیر سے ملنے پر اپنی روزے دار ماں کو قتل کردیا۔
پولیس کے مطابق عثمان نواز نامی شخص نے اپنی والدہ رضیہ بی بی سے ناشتہ بنانے کا مطالبہ کیا تاہم والدہ نے روزے کی وجہ سے آرام کرنے کی درخواست کی اور بیٹے سے کچھ دیر انتظار کرنے کو کہا۔ یہ بات عثمان کو برداشت نہ ہوئی اور وہ طیش میں آگیا۔
غصے میں آکر بیٹے نے اپنی ماں کے سر پر آہنی سلاخ سے حملہ کردیا، جس کے نتیجے میں وہ موقع پر ہی دم توڑ گئیں۔
واقعے کی اطلاع ملتے ہی پولیس جائے وقوعہ پر پہنچی اور ملزم کو گرفتار کرلیا۔ مقتولہ کی لاش کو پوسٹ مارٹم کے لیے عزیز بھٹی شہید ٹیچنگ اسپتال منتقل کیا گیا۔
پولیس نے مقتولہ کے دوسرے بیٹے، فرمان علی، کی مدعیت میں ملزم کے خلاف قتل کا مقدمہ تعزیرات پاکستان کی دفعہ 302 کے تحت درج کرلیا۔
