گوگل نیوز پر ہمیں فالو کریںپاکستان میں عید الفطر کے موقع پر حکومت کی جانب سے ایک ہفتے کی طویل تعطیلات کے حوالے سے سوشل میڈیا پر زیر گردش نوٹیفکیشن جعلی نکلا۔
عیدالفطررمضان المبارک کے اختتام پر منائی جاتی ہے، اسلامی کیلنڈر کے مطابق شوال کے پہلے دن کا آغاز کرتی ہے۔ اس دن کا تعین چاند دیکھنے کے روایتی عمل کے ذریعے کیا جاتا ہے جو اسلامی روایات میں گہری جڑیں رکھتا ہے۔
حال ہی میں سوشل میڈیا پر ایک نوٹیفکیشن گردش کر رہا ہے جس میں دعویٰ کیا گیا ہے کہ وفاقی حکومت نے 5 روزہ عید تعطیلات کا اعلان کیا ہے جو 31 مارچ سے 4 اپریل تک جاری رہیں گی جبکہ 6 روزہ ورک ویک رکھنے والوں کے لیے 7 روزہ تعطیلات 29 مارچ سے 5 اپریل تک ہوں گی۔
یہ خبر مکمل طور پر بے بنیاد ہے کیونکہ حکومت کی جانب سے ابھی تک عیدالفطر کی سرکاری تعطیلات سے متعلق کوئی باضابطہ نوٹیفکیشن جاری نہیں کیا گیا ہے۔
رویتِ ہلال ریسرچ کونسل کے مطابق 2025 میں عیدالفطر 31 مارچ کو متوقع ہے۔ ماہرین کا کہنا ہے کہ شوال کا چاند 30 مارچ کی شام ملک کے بیشتر حصوں میں نظر آنے کا امکان ہے۔
رویت کمیٹی کے ماہرین کے مطابق اس وقت تک چاند کی عمر 26 گھنٹوں سے زیادہ ہو چکی ہوگی جو چاند دیکھنے کے لیے ضروری معیار پر پورا اترتی ہے۔
