پولیس کی کاروائی، منشیات ڈیلر 4 کلو سے زائد چرس کے ساتھ گرفتار

کراچی پولیس نے کاروائی کے دوران گلشن معمار سے منشیات ڈیلر کو 4 کلو سے زائد چرس کے ساتھ گرفتار کرلیا ہے۔

تفصیلات کے مطابق ایس ایس پی ویسٹ سوہائی عزیز کا کہنا ہے کہ ملزمان بلوچستان سے منشیات لا کر سپلائی/ فروخت کرتے تھے، ملزمان چرس کی سپلائی/ ڈیلیوری دینے کے لئے ہندو گوٹھ کچی آبادی میں موجود تھے۔

ایس ایس پی ویسٹ نے بتایا کہ پولیس نے خفیہ اطلاع پر کارروائی کر کے دونوں ملزمان کو گرفتار کیا، ملزمان سے 4 کلو سے زائد چرس، نقدی اور زیر استعمال موٹر سائیکل برآمد ہوئے ہیں۔

یہ بھی پڑھیں:بلوچستان، سبی میں بم دھماکہ، 4ایف سی اہلکار شہید ہو گئے

ان کا کہنا ہے کہ گرفتار ملزمان کے خلاف مقدمہ الزام نمبر 157/2022 درج کرلیا گیا ہے جبکہ مزید تفتیش جاری ہے، ملزمان کے خلاف پہلے سے درج مقدمات کی بھی تفصیلات حاصل کی جارہی ہیں۔

مزید برآں ایس ایس پی ویسٹ سوہائی عزیز کے مطابق گرفتار ملزمان میں محمد سبحان ولد میراج الدین اور عبد الخالد ولد شیر محمد شامل ہیں، ملزمان سے منشیات کی سپلائی حاصل کرنے والے دیگر ملزمان کی تفصیلات حاصل کی جارہی ہیں۔