گوگل نیوز پر ہمیں فالو کریںملک کی دگرگوں معاشی صورتحال کے سبب پاکستان کی آٹو موبائل انڈسٹری بھی گراوٹ کا شکار ہے۔
ایک جانب گاڑیوں کی پیداوار میں کمی واقع ہو رہی ہے تو دوسری طرف ان کی قیمتوں میں 100 فیصد تک اضافہ ہو چکا ہے۔ اس منظر نامے میں آٹو موبائل انڈسٹری اور حکومت سے منسلک ماہرین آئندہ چھ ماہ تک گاڑیوں کی قیمتیں کم ہونے کو روپے کی قدر سے مشروط کر رہے ہیں۔
[visual-link-preview encoded=”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”]
آٹو موبائل انڈسٹری سے منسلک اور ڈیلرز اینڈ امپورٹرز ایسوسی ایشن کے چیئرمین میاں شعیب کے مطابق ملک میں گاڑیوں کی قیمتیں کم ہونا بظاہر ممکن نہیں ہے۔
انہوں نے آٹو موبائل انڈسٹری کو درپیش بحرانوں کی وجوہات بیان کرتے ہوئے کہا کہ پاکستان کی کرنسی اس وقت مستحکم نہیں ہے۔ ملک میں گاڑیوں کی قیمتیں ڈالر کے ریٹ سے جڑی ہیں۔
گزشتہ دو سے تین سال کے دوران پاکستان میں گاڑیوں کی قیمتوں میں بڑے اضافے کی وجہ بھی روپے کی قیمت میں آنے والی گراوٹ تھی۔
میاں شعیب کے مطابق پاکستان کا آٹو موبائل سیکٹر 80 فیصد آٹو پارٹس درآمد کرتا ہے۔ مہنگے درآمدی آٹو پارٹس گاڑیوں کی قیمتوں میں اضافے کی دوسری بنیادی وجہ ہیں۔
انہوں نے مزید کہا کہ ملک میں بڑی آٹوموبائل کمپنیوں کی اجارہ داری اور ناقص حکومتی پالیسیوں کے سبب گزشتہ 30 برسوں سے آٹو انڈسٹری کے لیے مقامی سطح پر پلانٹس نہیں لگائے جا سکے۔
پاکستان ڈیلرز اینڈ امپورٹرز ایسوسی ایشن کے چیئرمین کے مطابق مقامی سطح پر بڑی آٹو موبائل کمپنیاں ملک میں مقامی آٹو پلانٹس لگانے میں دلچسپی نہیں لے رہیں اور حکومت بھی اس معاملے میں خاطر خواہ کارکردگی نہیں دکھا رہی۔
دوسری جانب حکومتی ترجمان کے مطابق ملک میں گاڑیاں مزید مہنگی ہونے کے خدشات فی الحال کم ہیں مگر قیمتوں میں کمی ڈالر کے سستا ہونے پر منحصر ہے۔
وزارت صنعت و پیداوار کے ذیلی ادارے انجینئرنگ ڈویلپمنٹ بورڈ کے جی ایم پالیسی، ایڈمن اور کوآرڈینیشن عاصم نیاز نے بتایا کہ گاڑیوں کی قیمتیوں میں کمی یا اضافہ مارکیٹ بیسڈ ہے۔ ملک کی مجموعی معاشی صورتحال اور روپے کی قدر میں اتار چڑھاؤ گاڑیوں کی قیمتوں پر اثرانداز ہوتا ہے۔
