گوگل نیوز پر ہمیں فالو کریںلندن: برطانوی وزیر صحت ساجد جاوید نے کہا کہ ان کا کورونا ٹیسٹ مثبت آیاہے، تاہم ان کی علامات کم درجے کی ہیں ، انہوں نے شکر ادا کرتے ہوئے کہا ہے کہ اس وباء کے خلاف انہوں نے ویکسینیشن کروا لی ہے۔
ساجد جاوید کو تین ہفتے قبل وزیر صحت کے عہدے پر تعینات کیا گیا تھا ، انہوں نے وزیراعظم بورس جانسن کے اس منصوبے کی حمایت کی تھی جس میں کہا گیا تھا کہ پیر سے ملک سے کورونا وباء کے خلاف لگایا گیا لاک ڈاؤن ختم کیا جائے گا۔
برطانیہ کے وزیر صحت ساجد جاوید نے سماجی رابطے کی ویب سائٹ ٹوئٹر پر پیغام شیئر کرتے ہوئے لکھا ہے کہ “آج صبح میں نے اپنا کورونا ٹیسٹ کرایا تھا جس رزلٹ مثبت آیا ہے۔” انہوں نے مزید لکھا ہے کہ ” میں نے اپنا پی سی آر ٹیسٹ بھی کروا لیا ہے جس کے نتائج کا انتظار ہے ، جس کی لیبارٹری میں پروسیسنگ کی گئی تھی۔ میرے کورونا مثبت آنے کی تصدیق پی سی آر ٹیسٹ نے کردی ہے۔ لہذا میں نے اپنے آپ کو گھر پر قرنطینہ کرلیا ہے۔
This morning I tested positive for Covid. I’m waiting for my PCR result, but thankfully I have had my jabs and symptoms are mild.
Please make sure you come forward for your vaccine if you haven’t already. pic.twitter.com/NJYMg2VGzT
— Sajid Javid (@sajidjavid) July 17, 2021
ساجد جاوید نے 17 مارچ کو سماجی رابطے کی ویب سائٹ ٹوئٹر پر ایک تصویر شیئر کرتے ہوئے لکھا تھا کہ انہوں نے اپنا ویکسین کی پہلا خوراک لے لی ہے، اور دوسری خوراک 16 مارچ کو لی تھی۔
ویکسین کے عالمی وباء کے خلاف 100 فیصد نتائج نہیں آتے ہیں مگر ویکسین لگانے والے افراد اس بیماری کے شدید حملے سے محفوظ رہ سکتے ہیں۔
My positive result has now been confirmed by PCR test, so I will continue to isolate and work from home.
Here’s a handy reminder of which test you may need and when: pic.twitter.com/cX7Ypye3X6
— Sajid Javid (@sajidjavid) July 17, 2021
برطانوی وزارت صحت کی جانب سے شائع کردہ تجزیے کے مطابق آسٹرزینیکا ویکسین کی دو خوراکیں ڈیلٹا وائرس کے خلاف 60 فیصد کارآمد ثابت ہو رہی ہیں تاہم جو مریض اسپتال میں داخل ہوتے ان میں اس وباء کے خلاف لڑنے کی صلاحیت 92 فیصد بڑھ جاتی ہے۔
خیال رہے کہ برطانیہ میں عالمگیر وبا کورونا وائرس سے 24 گھنٹوں میں مزید 41 افراد ہلاک ہوگئے ہیں۔ محکمہ صحت کے مطابق ملک بھر میں 54 ہزار 674 افراد میں وائرس کی تشخیص ہوئی ہے۔ محکمہ صحت کا کہنا ہے کہ مسلسل دوسرے روز بھی وائرس سے متاثر افرادکی تعداد 50 ہزار سے زائد رہی ہے۔
یہ بھی پڑھیں : پاکستان میں کورونا وائرس مزید 21 افراد کی زندگیاں لے گیا، 2ہزار 607نئے کیسز رپورٹ
