گوگل نیوز پر ہمیں فالو کریںممبئی :بھارتی ٹی وی انڈسٹری کی اداکارہ عرفی جاوید نے اداکارہ تونیشا شرما کی خودکشی پر شیزان خان کی حمایت میں بول پڑیں۔
عرفی جاوید کا کہنا تھا کہ تنیشاشرما کی موت کا قصور وار شیزان خان کو نہیں ٹھہرایا جاسکتا۔
عرفی جاوید نے لڑکیوں سے مخاطب ہوتے ہوئے فوٹو اینڈ ویڈیو شیئرنگ پلیٹ فارم انسٹاگرام پر اپنے ایک پیغام میں لکھا کہ کسی کیلئے اپنی قیمتی جان ضائع مت کریں۔
انہوں نے لکھا کہ اپنے پیاروں کے بارے سوچیں، خود سے محبت کریں اور اپنا ہیرو خود بنیں۔عرفی جاوید کا کہنا تھا کہ ہوسکتا ہے کہ شیزان خان نے تونیشا شرما کے ساتھ دھوکا کیا ہو، لیکن تونیشا کی موت کا الزام اس پر عائد نہیں کیا جاسکتا۔
اُنہوں نے کہا کہ میں لڑکیوں سے کہوں گی کہ وہ اپنی قیمتی زندگی کسی کی خاطر ختم نہ کریں۔اُن کا مزید کہنا تھا کہ بعض اوقات ایسی کیفیت میں یہ لگتا ہے کہ اب دنیا ختم ہوگئی، لیکن یقین کیجئے ایسا بالکل نہیں ہوتا۔
مزید پڑھیں:تنیشا شرما کیس کی تحقیقات میں مزید پیش رفت سامنے آگئی
اگر کوئی آپ کے ساتھ نہیں رہنا چاہتا تو آپ اسے زبردستی اپنے ساتھ نہیں رکھ سکتے۔اداکارہ نے کہا کہ خود کشی سے کوئی مسئلہ حل نہیں ہوتا بلکہ پیچھے رہ جانے والوں کی مشکلات میں اضافہ ہو جاتا ہے۔
