گوگل نیوز پر ہمیں فالو کریںراولپنڈی: سابق وفاقی وزیرِ داخلہ شیخ رشید احمد نے کہا ہے کہ اکیلے عمران خان نے 13 سیاسی جماعتوں کی اجتماعی قبر کھود دی ہے۔ اگر 567 ممبر استعفیٰ دے دیں تو کیا رہ جاتا ہے؟
سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ اگر 567 اراکین اسمبلیوں سے مستعفی ہوجاتے ہیں تو پیچھے کیا رہ جاتا ہے؟ اسمبلیاں توڑیں یا چھوڑیں، لولی لنگڑی اسمبلیوں کی طرف کوئی نہیں دیکھ رہا۔
آزاد کشمیر بلدیاتی انتخابات، پی ٹی آئی35 نشستوں کے ساتھ سب سے آگے
ٹوئٹر پیغام میں سابق وزیرِ داخلہ شیخ رشید نے حکومت پر تنقید کرتے ہوئے کہا کہ حکمران اور ان کو لانے والے دونوں افسردہ اور شرمندہ ہیں۔ اکیلے عمران خان نے 13 پارٹیوں کی اجتماعی سیاسی قبر کھود دی ہے جس کی وجہ سے پی ڈی ایم الیکشن سے فراری ہے۔
عوامی لیگ کے سربراہ شیخ رشید احمد کا کہنا ہے کہ سیاسی دھند اتنی چھا گئی ہے کہ الیکشن کا سورج طلوع ہونا لازمی ہے۔ اب تو مفتاح اسماعیل بھی کہہ رہے ہیں کہ بانڈ کلیئر ہونے کے باوجود پاکستان ڈیفالٹ ہوسکتا ہے۔ ایکسپورٹ ترسیلات اور زرِ مبادلہ کے ذخائر کم ہورہے ہیں۔
سیاسی دھنداتنی چھاگئی کہ الیکشن کاسورج طلوع ہونالازمی ہےاب تومفتاح بھی کہہ رہےہیں بانڈکلیرہونےکےباوجودملک ڈیفالٹ ہوسکتاہےایکسپورٹ ترسیلات زرمبادلہ کےذخائرکم اسٹاک ایکسچینج ٹھس پیٹرول گیس ڈالرمہنگااورنایاب ہےاسمبلیاں بچانےپےمشورےہورہےہیں ملک اورتباہ حال معیشت بچانےپےکام نہیں ہورہا
— Sheikh Rashid Ahmed (@ShkhRasheed) November 28, 2022
شیخ رشید احمد نے کہا کہ اسٹاک ایکسچینج ٹھس ہوچکی ہے، پیٹرول، گیس اور ڈالر مہنگا اور نایاب ہے۔ اسمبلیاں بچانے پر تو مشورے ہورہے ہیں، معیشت بچانے پر کام نہیں ہورہا۔
