گوگل نیوز پر ہمیں فالو کریںاسلام آباد: سپریم کورٹ آف پاکستان نے حکومت کو پاکستان اسٹیل ملز کی زمین فروخت کرنے سے روک دیا ، وزارتِ صنعت و پیداوار کے اکاؤنٹس منجمد کرنے کے حکم کے خلاف درخواست بھی خارج کر دی۔
سپریم کورٹ میں جسٹس گلزار احمد کی سربراہی میں 2 رکنی بینچ نے پاکستان اسٹیل کے ملازمین کے پروویڈنٹ فنڈ کی ادائیگی سے متعلق کیس کی سماعت کی۔ دوران سماعت جسٹس گلزاراحمد نے اسٹیل ملزکی کارکردگی پر اظہار برہمی کرتے ہوئے کہا کہ پاکستان اسٹیل کی پیداوار صفر ہے، اپنی جیبیں بھرنے کیلئے اسٹیل ملز کو تباہ کیا گیا۔
جسٹس گلزار احمد کا کہناتھا کہ پاکستان اسٹیل ملز بہت بڑا ادارہ تھا،جس میں گاڑیاں،ٹرک اور راکٹ تک بنتے تھے سیکڑوں اسٹیل ملز پاکستان اسٹیل کے توسط سے چلتی تھیں کیوں نہ ملزکے معاملے کا نوٹس لے لیں۔
یہ بھی پڑھیں: پاکستان میں چین کی 10 سے 25 کروڑ ڈالر کی سرمایہ کاری، معاہدہ طے پا گیا
