رنبیر کپور اور عالیہ بھٹ رواں ماہ شادی کے بندھن میں بندھ جائیں گے

ممبئی: معروف بھارتی اداکار رنبیر کپور اور اداکارہ عالیہ بھٹ رواں ماہ شادی کے بندھن میں بندھ جائیں گے، اس بات کا انکشاف بھارتی میڈیا نے اپنی رپورٹ میں کیا۔

بھارتی میڈیا کے مطابق رنبیر اور عالیہ اپریل کے وسط میں شادی کے بندھن میں بندھنے والے ہیں۔ رپورٹ میں مزید کہا گیا ہے کہ دونوں نجی تقریب میں شادی کے بندھن میں بندھیں گے، جس میں قریبی دوست اور خاندان کے افراد شریک ہوں گے۔

بالی ووڈ کی ہائی پروفائل ڈیسٹینیشن ویڈنگز کے برعکس، دونوں کی شادی رنبیر کپور کے آبائی گھر میں منعقد ہوگی، جو کہ آر کے گھر ہے۔ کہا جاتا ہے کہ جگہ کا فیصلہ رنبیر نے خود کیا ہے کیونکہ وہ اپنی دادی کرشنا راج کپور کے بہت قریب تھے اور ان کے والدین نے بھی آر کے گھر میں شادی کی تھی۔

ویسے تو دونوں طرف سے ابھی تک کوئی باضابطہ تصدیق نہیں ہوئی ہے لیکن دونوں اداکاروں کے مداح بڑے دن کا بے صبری سے انتظار کر رہے ہیں۔

دریں اثناء حال ہی میں ایک انٹرویو میں رنبیر کپور نے بھی اپنی شادی کی تاریخ سے متعلق سوال کا جواب دیتے ہوئے انکشاف کیا کہ یہ جلد ہی ہونے والی ہے۔

مزید پڑھیں: وزیر اعظم عمران خان پوری عزت کے ساتھ واپس آئیں گے۔فیروز خان

انہوں نے کہا تھا کہ مجھے پاگل کتے نے نہیں کاٹا کہ میں میڈیا کو تاریخ کا اعلان کروں، لیکن میں آپ کو یہ بتا سکتا ہوں۔ عالیہ اور میں دونوں شادی کرنے کا سوچ رہے ہیں۔ مجھے امید ہے کہ یہ جلد ہی ہو جائے گا۔