گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات ونشریات ڈاکٹر فردوس عاشق اعوان نے کہا ہے کہ وزیر اعظم عمران خان نے قومی مسائل کے حل کی ٹھوس بنیاد رکھ دی ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی نے کہا کہ عمران خان عوامی ریلیف اور 71 سال سے درپیش مسائل کی ٹھوس بنیاد رکھ چکے ہیں جس کی گزشتہ دور میں ہمت نہ کی گئی۔
اپنے پیغام میں فردوس عاشق اعوان نے کہا کہ مشکل فیصلوں کی اس سے پہلے کوئی حکومت ہمت نہ کرسکی جبکہ ایسے فیصےل عمران خان کی ملک و قوم سے وابستگی کا ثبوت ہیں۔
وزیراعظم عمران خان عوامی ریلیف اور اکتہر سال سے درپیش مسائل کے حل کی مضبوط اور ٹھوس بنیاد رکھ چکے ہیں۔ مشکل فیصلوں کی اس سے پہلے کوئی حکومت ہمت نہیں کر سکی۔ مشکل فیصلے عمران خان کی ملک وقوم سے وابستگی کا ثبوت ہے۔
— Dr. Firdous Ashiq Awan (@Dr_FirdousAwan) January 30, 2020
بلوچستان میں ترقیاتی کاموں کے حوالے سے معاونِ خصوصی نے کہا کہ بلوچستان کی ترقی پاکستان کی ترقی ہے۔ رقبے کے لحاظ سے سب سے بڑے صوبے کے عوام کا معیارِ زندگی بلند کرنا حکومت کی ترجیح ہے۔
معاونِ خصوصی فردوس عاشق اعوان نے کہا کہ بلوچستان کے عوام کے لیے روزگار کے مواقع، صحت اور تعلیمی سہولیات کو یقینی بنانا اپنا فرض سمجھتے ہیں۔ بلوچ عوام کی خوشحالی کے لیے تمام وسائل بروئے کار لائیں گے۔
بلوچستان کی ترقی پاکستان کی ترقی ہے۔رقبے کے لحاظ سے سب سے بڑے صوبے کے عوام کا معیار زندگی بلند کرنا ترجیح ہے، ان کیلئے روزگار کے مواقع کی فراہمی اور صحت و تعلیمی سہولیات یقینی بنانا اپنا فرض سمجھتے ہیں۔ بلوچ عوام کی خوشحالی کیلئے تمام وسائل بروئے کار لائیں گے۔
— Dr. Firdous Ashiq Awan (@Dr_FirdousAwan) January 30, 2020
ڈاکٹر فردوس عاشق اعوان نے کہا کہ وزیر اعلیٰ جام کمال سے بلوچستان میں جاری ترقیاتی منصوبوں پر تبادلۂ خیال وزیر اعظم کے بلوچستان کی تعمیر و ترقی اور خوشحالی کے لیے عزم کا واضح اظہار ہے۔
فردوس عاشق اعوان نے کہا کہ حکومت بلوچستان کے عوام کا احساسِ محرومی دور کرے گی۔ انہیں ملک کے دیگر ترقی یافتہ علاقوں کے برابر لانا وزیر اعظم عمران خان کا ویژن ہے۔
وزیراعلی جام کمال کے ساتھ بلوچستان میں جاری ترقیاتی منصوبوں پر تبادلہ خیال وزیراعظم عمران خان کے بلوچستان کی تعمیر، ترقی وخوشحالی کیلئے عزم کا واضح اظہار ہے۔بلوچستان کے عوام کا احساس محرومی دور کریں گے،انہیں ملک کے دیگرترقی یافتہ علاقوں کے برابرلانا وزیراعظم عمران خان کا وژن ہے۔
— Dr. Firdous Ashiq Awan (@Dr_FirdousAwan) January 30, 2020
انہوں نے کہا کہ وزیر اعظم عمران خان نے ماضی کے حکمرانوں کی طرح شو بازی کی بجائے قوم کو مصائب کی دلدل سے نکالنے کا فیصلہ کیا ہے۔ جرات مندانہ اقدامات تبدیلی لائیں گے۔
وزیراعظم عمران خان نے ماضی کے حکمرانوں کی طرح شو بازی کے بجائے قوم کو مصائب کی دلدل سے نکالنے کا فیصلہ کیا۔ وزیراعظم عمران خان کے جراتمندانہ اقدامات تبدیلی لائیں گے۔
— Dr. Firdous Ashiq Awan (@Dr_FirdousAwan) January 30, 2020
یاد رہے کہ اس سے قبل معاون خصوصی برائے اطلاعات ونشریات فردوس عاشق اعوان نے کہا کہ میڈیا کے مسائل اور مشکلات کا حل کر نا حکومت ہونے کی وجہ سے ہماری ذمہ داری ہے۔
سینٹ کی قائمہ کمیٹی برائے اطلاعات و نشریات کے اجلاس میں گزشتہ روز فردوس عاشق اعوان نے کہاکہ ہم عوام کو جوابدہ ہیں ۔ میڈیا کے مسائل اور مشکلات کا حل تلاش کرنا حکومت ہونے کی وجہ سے ہماری ذمہ داری ہے۔
مزید پڑھیں: میڈیا کے مسائل حل کر نا ہماری ذمہ داری ہے، فردوس عاشق اعوان
