گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیر اعظم عمران خان عوام کو ریلیف دینے پر یقین رکھتے ہیں۔
سماجی رابطے کی ویب سائٹ ٹوئٹر پر اپنے پیغام میں گزشتہ روز معاونِ خصوصی فردوس عاشق اعوان نے کہا کہ وزیر اعظم عمران خان نے ثابت کیا ہے کہ وہ عوام کو ریلیف دینے پر یقین رکھتے ہیں۔
پیغام میں معاونِ خصوصی فردوس عاشق اعوان نے کہا کہ وزیر اعظم عمران خان نے مالی مشکلات کے باوجود تیل کی قیمتوں میں کمی کی جو عوام کے لیے آسانیاں پیدا کرنے کے حکومتی عزم کا عملی اظہار ہے۔
معاونِ خصوصی فردوس عاشق اعوان نے کہا کہ تیل کی قیمتوں میں کمی دیگر اشیائے ضروریہ کی قیمتوں میں کمی کا باعث بنے گی۔ مہنگائی میں کمی لانا وزیر اعظم کی اوّلین ترجیح ہے۔
تیل کی قیمتوں میں کمی دیگراشیائے ضروریہ کی قیمتوں میں کمی کا باعث بنے گی۔مہنگائی میں کمی لاناوزیراعظم کی ترجیح نمبر1ہے
— Dr. Firdous Ashiq Awan (@Dr_FirdousAwan) February 29, 2020
