اسلام آباد:وزیر اعظم کی معاونِ خصوصی برائے اطلاعات ڈاکٹر فردوس عاشق اعوان نے لیگل ایڈ اینڈ جسٹس اتھارٹی بل پر روشنی ڈالتے ہوئے کہا ہے کہ یہ نیا قانونی بل خواتین کو جائیداد میں اپنے حصے کے حصول میں مدد دے گا۔
سماجی رابطے کی ویب سائٹ ٹوئٹر پر اپنے پیغام میں فردوس عاشق اعوان نے کہا کہ اسلام میں خواتین کو دستیاب وراثتی حق اس سے قبل معاشرتی اور قانونی پیچیدگیوں کی نذر ہوچکا تھا۔ وزیر اعظم عمران خان ریاستِ مدینہ کی طرز پر تشکیل دئیے جانے والے معاشرے کے لیے پر عزم ہیں، اسی لیے ان کی حکومت میں لیگل ایڈ اینڈ جسٹس اتھارٹی بل پیش ہوا۔خواتین کو جائیداد میں حصہ نہیں دیا جاتا تھا، نیا بل اس کا تدارک کرے گا۔
یہ بھی پڑھیں: لاہور ہائی کورٹ نے سابق جج ارشد ملک کو او ایس ڈی بنا دیا، نوٹیفیکیشن جاری
اسلام میں خواتین کودستیاب وراثتی حق معاشرتی اورقانونی پیچیدگیوںکی نذر ہو چکا تھاریاست مدینہ کی طرز پر تشکیل دیے جانے والے معاشرے کے لیے پرعزم وزیراعظم عمران خان کی ہدایت کی روشنی میں تشکیل پانے والا یہ قانون خواتین کو جائیداد میں اپنے حصے کے حصول کو یقینی بنانے کا باعث بنے گا۔
— Firdous Ashiq Awan (@Dr_FirdousPTI) September 15, 2019
فردوس عاشق اعوان نے کہا کہ کئی دہائیوں سے پاکستان کی جیلوں میں قید افراد بالخصوص خواتین اور بچوں کو قانونی مدد کی سہولت دستیاب نہیں تھی۔ مستحق اور نادار قیدی اپنے مقدمات کی پیروی سے قاصر تھے، اس لیے ان کی قیدختم ہونے کا نام نہیں لیتی تھی۔ لیگل ایڈ بل کی وجہ سے ایسے بے شمار قیدیوں کو قانونی مدد حاصل ہوگی اور ان کے مقدمات کی پیروی کی جائے گی۔
The Legal Aid and Justice Authority Bill
کئی دہائیوں سے پاکستانی جیلوں میں قید خصوصا خواتین بچے اور دیگر مستحق ،نادار قیدی جو Legal Aid کی سہولت دستیاب نہ ہونے کی وجہ سے اپنے مقدمات کی پیروی سے قاصر تھے.
— Firdous Ashiq Awan (@Dr_FirdousPTI) September 15, 2019
انہوں نے کہا کہ وزیر اعظم عمران خان نے اپنی حکومت کے کندھوں پر بے گناہ اور معمولی جرائم میں ملوث قیدیوں کا بوجھ اٹھا لیا ہے۔ لیگل ایڈ اینڈ جسٹس اتھارٹی بل کے تحت باقاعدہ ایک اتھارٹی بنائی جائے گی جس کے قیام سے ایسے افراد کو فوری انصاف کی فراہمی کا خواب حقیقت میں بدل جائے گا۔
The Legal Aid and Justice Authority Bill
وزیراعظم عمران خان نے اپنی حکومت کے کندھوں پر ان بے گناہ اور معمولی جرائم میں ملوث قیدیوں کا بوجھ اٹھا لیا ہے۔
اس اتھارٹی کے قیام سے سے انہیں فوری انصاف کی فراہمی کا خواب حقیقت میں بدل جائے گا۔— Firdous Ashiq Awan (@Dr_FirdousPTI) September 15, 2019
یاد رہے کہ اس سے قبل معاونِ خصوصی اطلاعات ڈاکٹر فردوس عاشق اعوان کہہ چکی ہیں کہ وزیر اعظم پاکستان عمران خان اقوام متحدہ کی جنرل اسمبلی سے خطاب کے دوران دُنیا کو پاکستان اور کشمیر میں بسنے والوں کے جذبات و احساسات سے آگاہ کریں گے۔
فردوس عاشق اعوان نے کہا کہ عوام نے کشمیر کے حق میں آواز بلند کرکے دُنیا کو یہ تاثر دیا کہ وہ کشمیر کے بہن بھائیوں کے ساتھ کھڑے ہیں۔ ہم پاکستانی میڈیا اور بین الاقوامی مبصرین کے ساتھ ساتھ خصوصی آرٹس کمیونٹی کا بھی شکریہ ادا کرتے ہیں کہ آپ نے مظفر آباد جلسے میں اپنی موجودگی یقینی بنائی۔
مزید پڑھیں: عمران خان جنرل اسمبلی سے خطاب میں دُنیا کو کشمیریوں کے جذبات سے آگاہ کریں گے۔فردوس عاشق اعوان